גדולי ישראל נועדו • ראש הישיבה הגאון רבי דוב לאנדא באזוכט ביי האד' מצאנז וויילנדיג אין נתניה אויף אפרוה

דינסטאג פ' עקב • ט"ז אב תשפ"ד | בחצרות הקודש

היינט נאכמיטאג איז מרן הגאון הגדול רבי דוב לאנדא שליט"א ראש ישיבת סלאבאדקע אנגעקומען אויף א ביקור גומלין ביי כ"ק אדמו"ר מצאנז שליט"א, וואו עס איז פארצויגן געווארן א שיינעם תורה'דיגן שמועס קרוב צו דריי פערטל שעה און ביים ענדע פונעם באזוך האט דער רבי שליט"א מכבד געוועהן דעם ראש ישיבה מיט לחיים און ארויסבאגלייט ביז צו די גאס. נעכטן מאנטאג איז דער צאנזער רבי אריבערגעקומען אויף א באזוך אינעם אכסניא פונעם סלאבאדקע ראש הישיבה, זייענדיג מקבל פנים דעם גרויסן גאסט אנקומענדיג קיין קרית צאנז אויף אפרוה, וואו די רבי מיטן ראש הישיבה האבן ארומגעשמועסט בענינים העומדים ברומו של עולם, דאראונטער די גזירת הגיוס אין ארץ ישראל און דער מסע ההצלה וואס די גדולי ישראל האבן אונטערגענימען קיין חוץ לארץ צו דעם צוועק.