דאנערשטאג פ' ויחי • ט"ז טבת תשפ"ד | בחצרות הקודש

היינט דורכן טאג איז די נייע געקרוינטע חבר הבד''ץ הגאון האדיר רבי אהרן בראנסדארפער שליט''א אנגעקומען למעונם פון מורו ורבו כ"ק אדמו"ר מתולדות אהרן שליט"א, און פוסק הדור הגאון האדיר רבי משה שטערנבוך שליט"א מקבל זיין ברכת קדשם לרגל די התמנות.
צום ערשטנס איז די רב אנגעקומען למעונו פונעם פוסק הדור בעל תשובות והנהגות שליט''א אין באגלייטונג פון די חברי וועד הפועל אין די חברי הנהלת העדה החרדית מטעם קהילה קדושה תולדות אהרן, הלא המה הרה"ח ר' שלמה יהודה הירש און הרה"ח ר' שלמה קירשנבוים. עס איז פארגעקומען א שיינע מסיבת לחיים אין די גאון האט מאציל געווען מברכות קדשו פארן נייעם חבר הבית דין צדק ער זאל זוכה זיין מרומם צו זיין די קרן התורה און איבערגעגעבן דברי הדרכה צו די עבודת הקודש.
פון דארט איז מען אנגעקומען למעון קדשו פון כ"ק אדמו"ר מתולדות אהרן שליט"א, די רבי האט אפגעראכטן א שולחן לחיים לכבוד המאורע, עס האט זיך פארצויגן א שיינע שמועס און די רבי האט געוואונטשן מברכותיו הטהורות פאר די נייע חבר הבד"ץ, שענקענדיג כח ועוז לעמוד לשרת בשם ה׳, להגדיל כח ההוראה ולהאדירה.





Comments