טבריה: האד' מתולדות אהרן באזוכט בהיכלו פון המקובל הגה"צ רבי דוב קוק שליט"א

מיטוואך פ' וארא • כ"ה טבת | בחצרות הקודש

כ"ק האדמו"ר מתולדות אהרן שליט"א וועלכער האלט זיך אויף אין לויף פון די ימי השובבי'ם אין עיר הקודש טבריה איז נעכטן אריבער אויף א באזוך למעונו פון המקובל הגאון הצדיק רבי דוב קוק שליט"א וואו דער רבי מיטן מקובל האבן ארומגעשמועסט בדברים העומדים ברומו של עולם.

א מחזה הוד איז געווען וואו די צוויי כהנים הגדולים האבן זיך געבענטשט איש את רעהו בברכת כהנים אין א בחינה פון כהנא מסייעא כהנא, אלס צייכן פון זיין טיפע הערצה און חיבה יתירה האט דער מקובל געשאנקן א מתנה פארן רבי'ן א זילבערנעם שטעקן וואס סימבאליזירט די כוח ההנהגה בפרט ביי חסידישע רביס מאז ומקדם, ואת המטה הזה תיקח בידך, אשר תעשה בו את האותות.

נאכן באזוך האט דער מקובל ארויסבאגלייט דעם רבי'ן שליט''א ביז צום טיר וואו זיי האבן זיך געזעגענט מיט גרויס חביבות.