באזוך פון פוסק הדור הגר"מ שטערנבוך שליט"א אין בארימטע 'וואלפסאן' ישיבה לאזט טיפן איינדרוק אויף תלמידי הישיבה‎

זונטאג וזאת הברכה ב' • י"א תשרי תשפ"ה | בחצרות הקודש‎

בילדער קרעדיט: דוד ארזני און רפאל שווארץ

פארלאפאנעם וואך עשרת ימי תשובה האט מרן פוסק הדור הגאון האדיר רבי משה שטערנבוך שליט"א בעל 'תשובות והנהגות' אפגעראכטן א באזוך אין די בארימטע 'וואלפסאן' ישיבה, ישיבת נתיבות החכמה. דער גאון איז אויפגענימען געווארן בכבוד הראוי דורך די ראשי הישיבה, און האט אויפגעטרעטן מיט א שיחת חיזוק כהכנה דרבה צום יום הקדוש פאר די הונדערטער תלמידי הישיבה וועלכע האבן איבערגעפילט דעם היכל מקצה אל קצה לשמוע את דבר ה'.

א געהויבענע שטימונג האט געשוועבט אין די לופטן ווען דער פוסק הדור האט א לענגערע שעה משמיע געווען דברי חיזוק און מעורר געווען די בחורים לתשובה ופשפוש המעשים, איבערהויפט ווען ער האט אויסגעבראכן אין א יאמערליכן געוויין און אויסגעשריגן מנהמת ליבו הטהור 'חטאנו עווינו ופשענו לפניך' וואס האט איבערגעלאזט א געוואלדיגן רושם אויף די בחורי חמד. נאכן שמועס האבן די הונדערטער בחורים ארויסבאגלייט דעם גאון לרחובה של עיר בשירה וזמרה.