הגאון ר' קלמן בער שליט"א באזוכט ביי האד' מצאנז נאכן התמנות צום אמט אלס רב הראשי

זונטאג לך לך • ב' חשון תשפ"ה | בחצרות הקודש‎

בילדער קרעדיט: א. אייזנבאך

היינט אינדערפרי איז אנגעקומען אויף א באזוך צו כ"ק אדמו"ר מצאנז שליט"א אין קרית צאנז נתניה, דער הויפט רב פון שטאט הגאון ר' קלמן בער שליט"א וואס איז דעם דאנערשטאג ערוועלט געווארן צום אמט אלס רב הראשי אין ארץ ישראל.

הרב בער איז א לאנגיעריגער ידיד נאמן לחצר הקודש צאנז און איז אלע יאהרן געוועהן שטארק מקורב ביי כ"ק אדמו"ר מצאנז שליט"א מיט געמיינזאמע צוזאמענאבעט למען צביון העיר און נאך פילע עניני הכלל אויף וואס דער רבי שליט"א האט געארבעט באנענזאם מיטן רב. ביים באזוך האט הרב בער באדאנקט דעם רבי'ן פאר זיין שטיצע לאורך הדרך און דער רבי האט מאציל געוועהן ברכת קדשו שענקענדיג כח ועוז לעמוד לשרת בשם ה׳, להגדיל תורה ולהאדירה.