שיינעם קביעת מזוזה פאר ניי איבערגעבויעטע דאווענען שטיבלעך אין ביהמ"ד קהל יטב לב ד'סאטמאר - שכונת ליע גארדענס

פרייטאג פ' נצבים • כ''ו אלול תשפ"ה | בחצרות הקודש

פאראגנעגנעם וואך איז פארגעקומען די מעמד קביעת מזוזה און חנוכת הבית פאר די ניי איבערגעבויעטע דאווענען שטיבלעך בבנין ביהמ"ד קהל יטב לב ד'סאטמאר בניני יאקאבאוויטש שכונת ליע גארדענס, בראשות כ"ק אדמו"ר מסאטמאר שליט"א.

דער רבי האט קובע געוועהן א מזוזה ביי איינע פון די טירן און דערנאך מכבד געוועהן חתנו דער רב הביהמ"ד הגה"צ רבי יצחק ראזנבערגער שליט"א צו קלאפן א מזוזה.

דערנאך איז אפגעראכטן געווארן דער מסיבת לחיים רבתי לכבוד המאורע ביי וועלכן דער רבי האט משמיע געוועהן דברות קודש און פארלאנגט אז מען זאל געבן צייט לכל הפחות א שעה און צען מינוט פון איין מנין צום נעקסטן, כדי מ'זאל קענען דאווענען במתינות, זאגן תהילים נאכן דאווענען און אזוי ווייטער, לויט די תקנה וואס דער רבי האט אוועקגעשטעלט ביים אסיפה דעם א' סליחות מיט די גבאים פון אלע בתי מדרשים דקהל יטב לב.