להודות ולהלל: חסידי וויזניץ פייערן 24 יאר פון רבינס צוריקקער קיין וויזניץ בשילוב מיט שמחת האירוסין בחצה"ק
- sfbechatzros
- לפני 14 שעות
- זמן קריאה 1 דקות
זונטאג פ' חי שרה • י"ח חשון תשפ"ו | בחצרות הקודש
בילדער קרעדיט: שוקי לרר
בחצר הקודש וויזניץ איז פאראיבער א שבת מרומם בצל הקודש פון מרן אדמו"ר מוויזניץ שליט"א וואס האט געוויילט שבת בתוככי קרית וויזניץ אין בני ברק, נאך עטליכע וואכן זינט די ימים טובים וואס די רבי האט פארוויילט אין מושב אורה אויף אפרוה. במיוחד איז דעם שבת אפגעצייכנט געווארן דער צוויי הונדערט'סטע הילולא קדישא פונעם ראש שושליתא דדהא דער הייליגער אהבת שלום פון קאסוב און דער שבת יארצייט פונעם רבינס שווער כ"'ק אדמו"ר מטשערנאביל זצוק"ל וואס געפאלט אויס בו ביום י"ז חשון.
דורכאויס שבת האט די רבי שליט"א געזאגט אלע קדישים און צוגעשיקט די קינדער הרבנים צו די תפילות פארן עמוד לכבוד די יארצייטן, בנוסף האט די רבי שטארק ארומגעקאכט במשנתו הטהורה פונעם הייליגן אהבת שלום ביי די טישן דורכאויס שבת.
ביים טיש פרייטאג צונאכטס האט מען געזינגען פילע ניגוני שבח והדאה להודות ולהלל שטיינדיג גענוי פיר און צוואנציג יאהר זינט יענעם שבת פ' וירא תשס"ב, די ערשטע שבת וואס דער רבי איז צוריקגעקומען קיין וויזניץ נאך אזויפיל יאהר וואס ער האט גולה געווען מעל שולחן אביו.
מוצאי שבת איז פארגעקומען די שמחת התנאים פון אן אייניקל ביים רבי'ן, דער חתן א זון פון זיין יונגסטע איידעם הרה"צ ר' מנחם מענדיל האגער שליט"א, אין ביהמ"ד הגדול אין קרית וויזניץ. במשך די שמחה האט מען ווייטער זיך משמח געווען מיט ניגוני שבח והודאה אויף די גרויסע חסדים בימים ההם בזמן הזה, און דער רבי האט זיך ארויסגעלאזט אין א פייערדיגן ריקוד מיטן ניגון "אין עול מלבדו".
