לזעוק זעקה גדולה: געמיינזאמע יום תפילה והתעוררות רבתי פאררופן דורך בני האד' מוויזניץ אויף קומענדיגן א' סליחות
- לפני שעה (1)
- זמן קריאה 1 דקות
מיטוואך פ' נצבים וילך • כ' אלול תשפ"ו | בחצרות הקודש
טויזענטער וויזניצער חסידים וועלן דעם זונטאג א' סליחות זיך צוזאמנעמען אויף א געמיינזאמע יום תפילה והתעוררות רבתי, לזעוק זעקה גדולה און איינרייסן וועלטן לישועה ולרפואה, פארן וואוילזיין פונעם געטרייען מנהיג העדה מרן אדמו"ר מוויזניץ שליט"א וועלכער געפונט זיך ליידער אין א שווערע געזונט צושטאנד.
די גרויסע עצרת ווערט פאררופן דורך דעם רבינס קינדער הרבנים הגאונים הצדיקים שליט"א, וועלכע האבן פארעפענטליכט א קריאה קדושה פאר די חסידים תושבי קרית וויזניץ ומחוצה לה, און די תלמידי הישיבות הקדושות וואס לערנען אין בני ברק, אנטייל צו נעמען אין די יום תפילה וואס איז באשטימט געווארן אויף דעם יום המסוגל א' סליחות ווען מען טרעט אריין אין די ימי הרחמים והרצון, אינעם ריזן היכל ביהמ"ד הגדול אין קרית וויזניץ בני ברק.
דער יום תפילה וועט זיך אנהייבן מיט תפילת מנחה בשעה 4:45, נאכגעפאלגט מיט אמירת כל ספר תהילים. נאכן עצרת תפילה וועט מען ממשיך זיין מיט די שיעורי תורה ברבים, וואו מען וועט זיך זעצן אויף א צוויי שעה'דיגע סדר לימוד ברציפות לזכות ולרפואת דעם רבי'ן שליט"א, מרן ישראל בן לאה אסתר, ה' יאריך ימיו ושנותיו בטוב ובנעימים.
תגובות