הדרן עלך: אלפי ילדי קרית יואל פייערן חגיגת סיום ששה סדרי משנה דורך "מתמידים רץ למשנה"

מוצאי שבת קודש פ' שמות • כ"א טבת | בחצרות הקודש

בילדער קרעדיט: י.שטיין

הונדערטער ילדי תינוקת של בית רבן אין די מוסדות הקדושים אין קרית יואל האבן פארגן מוצאי שבת ויחי געפייערט די גראנדיעזע מעמד סיום ששה סדרי משנה דורך מתמידים רץ למשנה וואס איז אפגעראכטן געווארן ברוב פאר והדר אין די בית רחל אודיטאריום בנין לאה אסתר, בראשות כ"ק אדמו"ר מסאטמאר שליט"א.

אין די טעג בעפאר דער סיום האט דער רבי שליט"א באזוכט ביי די לימודים דורך מתמידים רץ למשנה וואס קומט פאר יעדע נאכט, וואו דער רבי האט זיך אומגעקוקט אויף די לימודים מיט א שטארקע קורת רוח.

ביי די מעמד האבן עטליכע קינדער פארגעזונגען חרוזים לכבוד המאורע, דערנאך האט איינע פון די בחורים אן אייניקל פונעם רבי'ן שליט"א געמאכט די סיום אויף ששה סדרי משנה, און אלע קינדער האבן אינאיינעם געזאגט די הדרן.

נאך קדיש האט מען זיך אויפגעשטעלט אויף א רקידה של שמחה און דער רבי האט פארטיילט כתבים פאר די אייניקלעך. דערנאך האט די רבי משמיע געווען דברות קודש, ארויסברענגענדיג די שמחה פארן שטאט קרית יואל ווען אזויפיל קינדער זענען מסיים סדרים משניות און דערביי מחזק געווען די אלע קינדער צו לערנען א סדר נאך א סדר ביז מען איז מסיים גאנץ ששה סדרי משנה, און דער רבי האט מסיים געווען בברכת קדשו פאר די קינדער און זייערע עלטערן און א ברכה מיוחדת פאר די הנהלת המתמידים.