האד' מוויזניץ ירושלים וועט אנקומען קיין ארה"ק און פראווען די ימי החנוכה בקרב חסידיו

מוצאי שב"ק פ' וישלח • ט"ז כסלו תשפ"ו | בחצרות הקודש

די וואך פ' וישב וועט כ"ק אדמו"ר מוויזניץ ירושלים שליט"א אנקומען צוגאסט קיין ארה"ק וואו די רבי וועט, ווי אין די פארגאנגענע יאהרן, פראווענען די ימי החנוכה בקרב עדת צאן מרעיתו.

די רבי שליט"א וועט זיך ארויסלאזן קיין ארה"ק דעם מאנטאג וישב און וועט פארוויילן אין ארץ ישראל גאנצע צוויי וואכן, אריינגערעכנט די הייליגע ימי החנוכה, ווען די רבי וועט מידי לילה בלילה אפרעכטן די מעמד הדלקת נרות חנוכה ברוב עם, אין גרויסן וויזניצער ביהמ"ד אויף רחוב אדוניהו הכהן, וואו פילע תושבי ירושלים וועלן אויסנוצן די געלעגנהייט און זיך דערווארעמען ביי די ליכטעלעך אין וועלכן די רבי שליט"א לייגט אריין אן עבודה רבה, כידוע.

זונטאג ויגש אויפצומארגנס פון שבת חנוגה וועט די רבי שליט"א צוריקפארן קיין ניו יארק און זונטאג נאכט ליל זאת חנוכה, וועט די רבי שליט"א אנצינדן די נרות בבית מדרשו אין שטאט בארא פארק.