מיטוואך פ' צו • י"ז אדר ב' תשפ"ד | בחצרות הקודש
דעם מיטוואך אווענט ליל תענית אסתר איז כ"ק האדמו"ר מגור שליט"א אנגעקומען צו די הר נוף געגענט וואו עס איז פארגעקומען די שבע ברכות פון החתן זוהן פון הרה"ג רבי אברהם ישעי' שפירא שליט"א מרביץ תורה בעיר בני ברק וועלכע האט געהאט די זכיה ביי פארשידענע געלעגנהייטן צו פארהערן די גערער אינגעלייט אין בחורים אויף טויזנטער בלעטער גמרא בעל פה אין ראם פון 'מזומנים' און טוט געניסן פון א קירבה יתירה ביי כ"ק האדמו"ר מגור שליט"א.
די רבי האט געטרינקען לחיים אין אנגעוואונטשן די חתן אין מחותנים, עס איז אנטוויקעלט געווארן א שיינעם שמועס מעניני דיומא אין מען האט געזינגען ניגוני שמחה אין ניגוני יו''ט פורים.
Comments