דינסטאג פ' ויקהל • כ"ה אדר א' תשפ"ד | בחצרות הקודש
בילדער קרעדיט: אחים לאנטשעסווקי
אין שטאט בארא פארק איז פארגאנגענעם וואך אפגעראכטן געווארן די רבי'שע חתונה פון חתן כלה אייניקלעך פון הרה"ק בעל 'ברך משה' מסאטמאר זיע"א, די חתן א זון פון הגה"צ ר' שלמה רובין שליט"א אב"ד ציעשנוב קרית יואל, זון פון הגה"צ אבד"ק ציעשנוב שליט"א, און איידעם ביי הגה"צ גאב"ד סאטמאר מאנטריאל שליט"א, אור אייניקל פון כ"ק אדמו"ר מסטריזוב, מיט די כלה א אייניקל ביי כ"ק אדמו"ר מספינקא שליט"א, די כלה א טאכטער פון זיין איידעם הגה"צ ר' זלמן לייב מייזליש שליט"א דומ"ץ סאטמאר ב"פ, זון פון הגה"צ גאב"ד סאטמאר בארא פארק שליט"א, די חתונה איז פארגעקומען אין די זאלן פון עטרת גאלדא וואו עס האבן מפאר געוועהן די געהויבענע זיידע'ס האדמור"ים ורבנים אין קרובי המשפחה אין שפיץ פונעם פעטער פון ביידע צדדים כ"ק האדמו"ר מסאטמאר שליט''א וועלכע איז ספעציעל אריינגעקומען קיין בארא פארק צו באשיינען די שמחה.
