געהויבענעם שבת אין מאנסי מיט האד' מקאשוי לרגל שבת של שמחה במעונו

דינסטאג פ' יתרו ט"ז שבט | בחצרות הקודש

תלמידי וחסידי קאשוי אין מאנסי, האבן מיט געהויבענע געפילן מיטגעהאלטן דער שבת של שמחה בצל הקודש פון כ״ק אדמו״ר מקאשוי שליט״א, שבת פרשת בא, אין די שטאט מאנסי יצ״ו.

דער שבת איז פארגעקומען לרגל די באווארפן פון החתן פרי עץ חיים הרב רפאל שליט״א, זון פון הרה״ג ר׳ יואל בלום שליט״א, רב דביהמ״ד התאחדות אברכים ברכות שמים דקאשוי אין שטאט מאנסי, חתן הגה״צ אב״ד ור״מ ויצב אברהם מעלבארן אוסטראליע שליט״א, עב״ג הכלה תחי׳ בת הגה״צ רבי אשר מאנן שליט״א דומ״ץ קיט״ל מירטל ומח״ס שו״ת אחוזת הלוי. 

די תפילות ועריכת השולחנות זענען פארגעקומען אינעם היכל הבית המדרש אויף 48 סוזען דרייוו. ביי די עריכת השולחן פרייטאג צונאכט האט זיך באטייליגט א ריזן ציבור פון די גאנצע שטאט, חסידים ומעריצים, וועלכע האבן נישט געוואלט פארפאסן די געהויבענע מאמענטן.

שבת קודש אינדערפרי איז פארגעקומען די שמחת עליה לתורה און די קידושא רבה לרגל המאורע, בקול רנה ותודה. שפעטער איז אפגעראכטן געווארן די עריכת השולחן בעת רעוא דרעווין, מיט דער באטייליגונג פון א גרויסן ציבור תלמידים וחסידים, וועלכע האבן זיך דערווארעמט ביי די געהויבענע מאמענטן, און געהערט די דברי מוסר והתחזקות לימי השובבי״ם, אלס הכנה צו די חתונה הגדולה, ווען די אבות הק׳ קומען אראפ פון גן עדן, און איבערגעלאזט ברכות לרוב פאר אלע משתתפים תלמידים ומעריצים.