צֵאתְכֶם לְשָלוֹם • האד' מצאנז קלויזנבורג פארלאזט ניו יארק אויפן וועג קיין ארצינו הקדושה

זונטאג פ' כי תצא • ה' אלול תשפ"ד | בחצרות הקודש‎

היינט פארמיטאג, נאך תפילת שחרית האט כ"ק אדמו"ר מצאנז קלויזענבורג שליט"א פארלאזט ביתו נאווה קודש בארא פארק צום לופטפעלד אויפן וועג קיין ארצינו הקדושה צום געהויבענעם מסע הקודש 'והופע והנשא', איידערן פארלאזן די שטאט האט די רבי שליט"א פארבעטן פון די חסידים מען זאל נישט זינגען ביים באגלייטן צוליב די מסע הלוי' פונעם צדיק וקדוש כ"ק אדמו"ר מסקולען זצ"ל וואס האט זיך אנגעהויבן בו בזמן אין שטאט בארא פארק, די רבי האט געהייסן מען זאל מלווה זיין בלויז מיט די פסוקים פון 'כי מלאכיו יצווה לך', און דערנאך געגעבטן פון די חסידים און תלמידי הישיבות ארויסצוגיין אפגעבן דעם כבוד האחרון ביים מסע הלוי'.

נאכמיטאג האט זיך געהויבן דעם רבינס פליגער פון די קענעדי לופטפעלד. מארגן מאנטאג אינדערפרי איז די רבי שליט"א ערוואטערט צו לאנדען אין ארצינו הקדושה, ווי פילע חסידים וועלן ארויספארן צום לוד לופטפעלד מקבל זיין את פני הקודש.