הגה"צ רבי אברהם יצחק וואלפסאן אבד"ק אמונת ישראל מאנסי באזוכט ביי האד' מבעלזא

זונטאג פ' מטות מסעי • כ"ב תמוז תשפ"ד | בחצרות הקודש‎

בילדער קרעדיט: א.מ.ש.

הגה"צ רבי אברהם יצחק וואלפסאן שליט"א אבד"ק אמונת ישראל מאנסי וואס איז צוגאסט די טעג אין ארץ ישראל האט דעם מיטוואך נאכמיטאג באזוכט ביי כ"ק אדמו"ר מבעלזא שליט"א, אין באגלייטונג פון א קבוצה תלמידים און די בחורי חבורות אמונת ישראל אין ירושלים. ביים באזוך איז ארומגעשמועסט געווארן שיינע זכרונות פונעם משגיח הגה"צ רבי משה וואלפסאן זצ"ל אבד"ק אמונת ישראל און איבער די ניגונים וואס ער האט פארפאסט, דערביי האט דער בעלזער רב שליט"א פארבעטן פון די בחורים צו זינגען דעם 'פרוק ית ענך' פון די שבת'דיגע זמירות וואס די משגיח האט מחבר געוועהן, און דערנאך אנגעוואונטשן דעם רב שליט"א וכל הנלווים אליו מיט ברכות לרוב.