דראמאטישע קול קורא דורך גדולי האדמור"ים בארה"ק: "נישט שטעלן צום לשכת הגיוס!"

מאנטאג פ' דברים • א' אב תשפ"ד | בחצרות הקודש

אן אויפשאקלונג און שטורעם איז היינט אנטשטאנען ביים יהדות הנאמנה אין ארה״ק מיטן ערשיינונג פון א פאראייניגטע קול קורא מיט רעזאלוציעס אנבאלאנגט די יעצטיגע גזירה פון גיוס בני הישיבות וועלכע לויערט איבער די קעפ פון די לומדי התורה אין ארץ ישראל, און איז שוין ליידער אריין אין קראפט ווען דער ציוניסטישער מיליטער האט פאריגע וואך ארויסגעשיקט "צווי גיוס" פאר ישיבה בחורים זיך צו קומען שטעלן אין מיליטער.

ווי א דינער אינמיטן העלן טאג איז ערשינען די היסטארישע קריאת הקודש אונטערגעשריבן דורך די גדולי וצדיקי הדור מרנן האדמו"רים מראמיסטריווקא, טשערנאביל, אלכסנדר, סטריקוב, און שבט הלוי מיט א דראמאטישע הוראת הקודש אז קיין שום בחור טאר זיך נישט שטעלן צום "לשכת הגיוס". צו די היסטארישע קול קורא האבן זיך אויך מצרף געוועהן די גדולי הרבנים וראשי הישיבות הגה"צ רבי יוסף משה שניאורסאן ראש ישיבת טשעבין, הגה"צ ר' שמאי גראס און הגה"צ ר' חיים דוד שובאקס דייני ק"ק בעלזא, הגאון רבי צבי ראבינאוויטש ראש ישיבת באיאן, הגאון רבי נפתלי נוסבוים ראש ישיבת חיי משה, הגאון ר' שמואל אליעזר שטערן שליט"א גאב"ד מערב בני ברק, הגה"צ רבי ישראל ברזובסקי ראש ישיבת סלונים, און הגה"צ ר' שמחה ראבינאוויטש שליט"א בעל מח"ס פסקי תשובות.

די קול קורא ליינט זיך ווי פאלגענד: "היות ובימים אלו שלחו רשויות הצבא צווי התייצבות לבחורים ואברכים חרדים לצורך גיוסם לצבא ה"י. הננו להבהיר שכבר הורו מרנן ורבנן גדולי ומאורי ישראל זצוק"ל ויבלחט"א שאסור להתגייס בשום אופן לצבא, וגם אם יקימו פלוגות וחטיבות חרדיות למהדרין, כבר הוכיחו בעצמם שנים רבות שאינן עומדים בזה כלל".

"ואפילו אם בתחילה הולכים במקצת לקראת החרדים, לאחר זמן אי אפשר להישאר שם כלל שומר תורה ומצות כהלכה, ואפילו אם יאמרו שעכשיו יעמדו בכל התוקף שיוכלו להישאר שם חרדים למהדרין, אין להם על פי דין תורה שום נאמנות על זה. אנו יודעים בבירור גמור שאין שום גדול בישראל שחולק על דברים אלו, ועל כן הננו להורות על דעתם של כל גדולי הדור שליט"א שכל הבחורים והאברכים שקיבלו ציווי התייצבות לצורך גיוסם לצבא אסור להם להתייצב כלל בלשכת הגיוס. והשם יתברך ישמור את עמו ישראל שיוכלו לעמוד בכל הנסיונות ולהישאר יהודים נאמנים להשם ולתורתו".

אצינד זענען די עסקנים פארנומען אויפצושטעלן א ריזיגע ארגון און אוועק שטעלען א פאקטישע באזע ארויסצוהעלפען די אלפי לומדי תורה דרי ארץ הקודש, און פארזיכערן אז יעדער בחור זעט זיך בעז"ה ארויס פון אונטער די צפרני הרשעים, די עסקנים וועלן באגלייטן יעדן איינציגן בחור בעצה ובמעש מיט אלע טעכנישע ענינים.