מעמד לחיים און סיום משניות ככלות השלושים לפטירתו פון הגה"צ רבי חיים דוב האלפערין זצ"ל בן האד' מוואסלוי וחתן האד' מבוהוש

מיטוואך פ' דברים • א' אב תשפ"ו | בחצרות הקודש

ככלות השלושים נאך די פריצייטיגע פטירה פון פרי עץ חיים הגה"צ רבי חיים דוב האלפערין זצ"ל, רב בית המדרש וואסלוי אין בני ברק, זון פון כ"ק אדמו"ר מוואסלוי שליט"א, און איידעם ביי כ"ק אדמו"ר מבוהוש שליט"א, איז נעכטן דינסטאג אפגעהאלטן געווארן א מעמד לחיים און סיום משניות לעילוי נשמתו בבית מדרשו פון אביו כ"ק אדמו"ר מוואסלוי שליט"א, וואו דער חשוב'ער נפטר האט געדינט אלס רב רבות בשנים, ובהשתתפות פון זיין שווער כ"ק אדמו"ר מבוהוש שליט"א.

אנהייב פונעם מעמד האט איינער פון די קינדער געמאכט דעם סיום משניות. דערנאך האבן ביידע אדמורי"ם טועם געווען לקח און לחיים און זיך געוואונטשן ברכות לרוב. דאן האבן אויפגעטרעטן עטליכע מטובי הקהל און מתפללי ביהמ"ד מיט דברי זכרון אין אנדענק פון דעם חשוב'ן נפטר ז"ל.

צוליב וואס די שלושים איז אויסגעקומען אין טאג פון ראש חודש איז די עליה לציון אפגעשטופט געווארן אויף אן אנדערע געלעגנהייט אינמיטן חודש אלול הבא עלינו לטובה.