קרישקעס | אינטערסאנטע מערקווירדיגע נייעס פון די וואך בחצרות הקודש איבער די וועלט

מוצאי שב"ק פ' בראשית • כ"ו תשרי תשפ"ו | בחצרות הקודש

מי שלא ראה שמחת בית השואבה: האדמו"ר מזוטשקא אין א קאדאטשקע טאנץ ביים שמחת בית השואבה.

אינעם פריוואטן סוכה פון האדמו"ר מוויזניץ מערקט "קרישקעס" אינעם הונטערגרונד דער "וכולם מקבלים" טאוול מיטן נוסח פונעם ניגון הידוע וואס ווערט געזינגען בחצר הקודש וויזניץ איבער די יסודות פון די שיטה הקדושה פונעם ישועות משה.

ובדחי רבנן: אויסצוג פון א לעצטיגע באזוך פונעם ראש הישיבה הגאון רבי שאול אלתר ביים ראש הישיבה הגאון האדיר ר' דוב לאנדא שליט"א.

האדמו"ר מבאבוב ביים אהיימשפאצירן נאכן דאווענען חול המועד סוכות אין באגלייטונג פון הונדערטער חסידים.

הגה"צ רבי יצחק מאיר מארגנשטערן האדמו"ר מתורת חכם ביים אויסקלייבן אן אתרוג אויף יום טוב, ווערט געזעהן נאמן ביתו בנש"ק הרב ישראל אבערבורך.

הרה"צ רבי נחמי' אלתר שליט"א בן האדמו"ר מגור אין א ריקוד ביים שמחת בית השואבה אין די ליטווישע גרודנא ישיבה אין אשדוד.

האדמו"ר מדושינסקיא באזוכט ביים פוסק הדור הגר"מ שטערנבוך לכבוד המועד. ווערט געזעהן האדמו"ר מסוכוטשוב - א פלאמעניק פונעם גאון.

הרה"צ רבי יהושע האגער שליט"א בנו הצעיר פון כ"ק האדמו"ר מקאסוב זצ"ל ווערט געזעהן ביי די נענועים איינע פון די חול המועד טעג בצל אחיו הגדול האדמו"ר מקאסוב.

באגריסונג מטעם חצר הקודש באבוב 45 לכבוד קהל ומוסדות צאנז קלויזנבורג פארן צושטעלן בטוב עין, דעם שטח הענקי נעבן דעם ביהמ"ד הגדול והחדש דחסידי באבוב-45 אין בארא פארק פארן סוכה הגדולה וואו האדמו"ר מבאבוב 45 האט אפגעראכטן די טישן דורכאויס חול המועד.

דער בארימטער פאטראגראפירער בחצרות הקודש ר' שוקי לרר איז עולה לתורה אינעם מנין פון האדמו"ר ממעזיבוז דעם חול המועד סוכות.

קלאטשן טיש בחצר הקודש סקווירא פון בארא פארק כנהוג מוצאי שמחת תורה.

לא ניתנו ימים טובים לישראל, אלא לעסוק בהן בתורה: האדמו"ר מצאנז איז עוסק בתורה מיט אן אייניקל צווישן מנחה מעריב איינע פון די ימי המועד.

כוס של ברכה ביים נעילת החג מוצאי שמחת תורה אין די ליובאוויטשער הויפטקוואטיר אויף 770 איסטערן פארקוועי.

הרב מרדכי ברזובסקי בנו הצעיר פון האדמו"ר מסלונים באזוכט אין די סוכה בבית האכסניא פון הנגיד בנש"ק ר' נפתלי שפירא בן האדמו"ר מבלאזוב אין ירושלים.

דעם ערב יו"ט האט דער בעל מנגן ר' ליפא שמעלצער געשאנקן א מתנה פאר מורו ורבו גאב"ד מאקאווא א נייע זילבערנער בעכער, און דער מאקאווא רב האט אים צוריק געשאנקן זיין אייגענעם בעכער מיט וואס ער האט זיך באנוצט יעדן שבת.

מודעה מטעם ביהמ"ד פשעווארסק אין אנטווערפען אין ליכט פון דעם וואס די שטאטישע אויטאריטעטן האבן פארשלאסן דעם נייעם ביהמ"ד אויף יום טוב צוליב זיכערהייט סיבות.

המשפיע הרה"צ רבי אלימלך בידערמאן שליט"א מלעלוב באזוכט אין די סוכה פונעם מעיאר פון ביתר הרב מאיר רובינשטיין כאות הכרת הטוב פארן אהערשטעלן דעם יערליכן שמחת בית השואבה ביי וועלכן טויזנטער תושבי העיר האבן זיך דערווארעמט בצילו פונעם משפיע.

הגה"צ רבי יצחק מאיר מארגנשטערן האדמו"ר מתורת חכם ביים פארזאגן די מזמורים ביים הכנסת ספר תורה דעם חול המועד סוכות בבית מקורבו הנגיד ר' אייזיק קנאפפלער הי"ו אין ירושלים.

אין א ריקוד ביים מעמד מיטן בעל מנגן ר' מרדכי ווערדיגער הי"ו.

דעם ליל שישי איז מרן ראש הישיבה הגאון האדיר רבי דוב לאנדא שליט"א ארויסגעפארן צום שטאט אלעד וואו דער גאון האט אפגעגעבן ברכת מזל טוב ביים שמחת הבר מצווה פון צווילינג קינדער ביים געוועזענער מעיאר פון שטאט העסקן הרב ישראל פרוש, ווערט געזעהן דער זיידע שלוחי דרבנן הרב מאיר פרוש הי"ו.

שיין בילד פונעם עפל טיש בחצר הקודש וויען וואו האדמו"ר מוויען טוט כמנהגו מוצאי שמחת תורה ווארפן עפל כמנהג הצדיקים.

האדמו"ר מתולדות אברהם יצחק ביים פארטיילן מיני מתיקה פאר זיינע אייניקלעך ביים שמחת בית השואבה דעם חול המועד סוכות.

הרבני הנגיד ר' שמואל זאנוויל שארף הי"ו חדב"ן כ"ק אדמו"ר בעל עקבי אבירים מסאדיגורא זצ"ל ביים אנטייל נעמען ביי די שמחת בית השואבה בחצר הקודש סאדיגורא.

די פראכטפולע ארון הקודש אין ביהמ"ד הגדול דושינסקיא באשיינט די נוי סוכה פון האדמו"ר מדושינסקיא בביתו נאווה קודש אין ירושלים.

דער בדחן הרב ישראל שטערן הי"ו פון לאנדאן ביים שלום נעמען פון רבו האדמו"ר מבעלזא ביי איינע פון די חול המועד טישן דעם יום טוב סוכות.

טויזנטער ביים שמחת בית השואבה אין ביתר בראשות המשפיע הרה"צ רבי אלימלך בידערמאן שליט"א מלעלוב.

שיין בילד פון האדמו"ר מצאנז ביים ארייננעמען אן אייניקל אונטער זיין טלית ביי ברכת כהנים איינע פון די ימי המועד.

דירעקטאר פון די הדסה עין כרם שפיטאל פראפעסאר יורם ווייס ווערט געזעהן ביים מעמד שמחת בית השואבה בצל האדמו"ר מוויזניץ וועלכע האט פערזענליך געלאדענט דעם פראפעסאר אינאיינעם מיט נאך עטליכע הויכראנגיגע דאקטוירים אין די הדסה שפיטאל וועלכע האבן זיך אפגעגעבן מיטן רבי'ן דורכאויס די שווערע מעדיצינישע דורכגאנג דעם יאהר.

האדמו"ר מסאדיגורא ירושלים אין א ריקוד מיטן פעטער הרבני הנגיד ר' שמואל זאנוויל שארף חדב"ן כ"ק אדמו"ר בעל עקבי אבירים מסאדיגורא זצ"ל ביים שמחת בית השואבה בחצר קדשו.

האדמו"ר מבאיניא ווערט געזעהן בקודש פנימה ביי האדמו"ר מסקווירא לברך ולהתברך בברכת החג.

ביים שמחת החג בצל האדמו"ר מקרעטשניף כפר אתא מערקט "קרישקעס" דעם אפענעם ספר ליקוטי מהר"ן וואס איז שטענדיג מצוי ביים רבי'ן אויפן טיש.

דער מעיאר פון ירושלים משה ליאון ביי אן אויפנאמע דעם חול המועד במעונו פונעם ראש הישיבה הגאון האדיר רבי דוב לאנדא שליט"א.

שלוחי דרבנן הרב משה גפני פארזיצער פון די דגל תורה פארטיי איז מקבל ברכת קדשו פון האדמו"ר מוויזניץ ביי איינע פון די שמחות בית השואבה דעם חול המועד סוכות.

הגה"צ רבי חיים מאיר האגער אבד"ק קרית וויזניץ באגלייט אויס דעם ראש הישיבה הגאון האדיר ר' דוב לאנדא שליט"א נאכן באזוך ביי האדמו"ר מוויזניץ.

הגאון ר' יהודה אריה דיננער מגדולי רבני בני ברק באגריסט הנגיד החסיד ר' אליש ענגלענגער פון לאנדאן דעם חול המועד פארנט פון ביהמ"ד הגדול מחנובקא בעלזא אין בני ברק.

טעימה קלה פונעם גרויסארטיגן שמחת בית השואבה בהיכל ישיבת עטרת שלמה בנשיאות הגאון ר' שלום בער סורוצקין שליט"א.

ויוסף הוא המשביר: שווארץ ברויט המסוגל לפרנסה ביים טיש בחצר הקודש בעלזא דעם חול המועד בליל אושפיזא דיוסף

האדמו"ר מטעמישוואר ארומגענומען מיט זיינע אייניקלעך זרע ברך ה' ביים שמחת בית השואבה דעם חול המועד סוכות.

האדמו"ר מסקאליע ביים מפריש זיין צדקה איידער תפילת מנחה דעם ערב יום הכיפורים.

האדמו"ר מסערדאהעלי ביים בודק זיין דעם חלף פונעם שו"ב איידערן שחיטת הכפרות ערב יו"כ.

בחורי חסידי צאנז קוקן זיך אום ווי האדמו"ר מצאנז איז מסכך די סוכה לכבוד יום טוב, פון די הויכע דעכער אין קרית צאנז.

האדמו"ר מצאנז זמיגראד ביים "עפל טיש" מוצאי יום טוב שמחת תורה כמנהג בית צאנז.

האדמו"ר מבאבוב ביים אנוואונטשן מקורבו הרב שלום קעסלער נאכן פידל שפילן ביי איינע פון די חול המועד טישן.

הערליכע מיניאטור פונעם נייעם "מרכז העולמי ישועות משה" ההולך ונבנה באשיינט די סוכה בביתו נאווה קודש פון האדמו"ר מוויזניץ.

חסידי פשעווארסק פון לאנדאן אויפן באן אונטערוועגנס קיין אנטווערפען צו וויילן די צווייטע טעג יום טוב בצל הקודש פון האדמו"ר מפשעווארסק.

אובאשרייבליכע שמחה ביים שמחת בית השואבה אין ביהמ"ד הגדול קארלין סטאלין אין ירושלים, אויפן טראדיציאנאלער קארלינער שטייגער.

הגה"צ אבד"ק מאקאווא אשדוד שליט"א באזוכט אין די סוכה פון האדמו"ר רבי יקותיאל אבוחצירא אין אשדוד לכבוד הרגל.

האדמו"ר מקרעטשניף כפר אתא ביי קריאת משנה תורה ליל הושענא רבא בבית מדרשו אין די מאה שערים געגענט.

האדמו"ר מקאזניץ ביים אפרעכטן די עבודת הנענועים קעגן איבער דעם כותל המערבי שריד בית מקדשינו.

בשבת אחים: האדמו"ר מוויען באזוכט ביי אחיו הגדול האדמו''ר מסערדאהעלי דעם חול המועד סוכות.

האד' מתולדות יהודה ביי די פייערדיגע ריקודין ביים שמחת בית השואבה במעמד אלפים בחצר קדשו אין בארא פארק.

ביים שמחת בית השואבה בחצר הקודש תולדות אהרן האט זיך אנגעזעהן צווישן די אורחים חשובים הגאון רבי משה צדקה שליט''א ראש ישיבת פורת יוסף וואס איז מכובד געווארן מיט א שיר המעלות און באזונדער האט דער רבי מכבד געווען דעם גאון צו זינגען א מקובל'דיגע ספרדישע ניגון.

האדמו"ר מליסקא ביים מיטהאלטן דעם שמחת בית השואבה בצל האדמו"ר ממונקאטש וועלכע האט - ביים זיך געזעגענען - ארומגענומען דעם ליסקא רבי'ן בחיבה יתירה.

האדמו"ר מקרעטשניף סיגעט וויליאמסבורג אין א לעבעדיגע ריקוד אין די סוכה, אויפן זעקסטע הקפה ניגון בחצרות סאטמאר.

מעמד ברכת כהנים דעם הושענא רבא אין ביהמ"ד הגדול אין שיכון סקווירא, מערקט די צענדליגער כהנים אויסגעשפרייט אויף די פארענטשעס ביים מזרח.

*******

א ברכת מזל טוב לכבוד העסקן הדגול ר' יצחק אייזיק דאסקאל הי"ו מראשי העסקנים בחצר הקודש סאטמאר און מנהל ומייסד מערכת סאטמאר לרגל הולדת בתו למזל טוב.

א ברכת מזל טוב פאר הרה"ח ר' בצלאל שטערן הי"ו משב"ק האדמו"ר מהרי"ד מלעלוב לרגל שמחת הולדת הבן למזל טוב.