בּוֹא בְּרוּךְ ה': הרה"צ רבי אהרן מרדכי רוקח מבעלזא אנגעקומען צוגאסט קיין ניו יארק | גאלעריע
- Bechatzros admin
- 7 במרץ
- זמן קריאה 1 דקות
עודכן: 8 במרץ
פרייטאג פ' תצוה • ז' אדר תשפ"ה | בחצרות הקודש
היינט ערב שבת אין די פארטאגס שעהן האט הרה"צ רבי אהרן מרדכי רוקח שליט"א מבעלזא חונן געוועהן פני ניו יארק, אנקומענדיג אויפן ביקור המרומם בשליחות מר אביו כ"ק אדמו"ר מבעלזא שליט"א. אנקומענדיג אינעם קענעדי לופטפעלד האט א משלחת כבוד אפגעווארט דעם חשובן גאסט, צווישן זיי די דייני וראשי הקהילה אין בארא פארק.
פונעם לופטפעלד איז מען ארויסגעפארן אין שטאט, אויף תפילת שחרית אין די בעלזער ביהמ"ד אויף די 43'סטע גאס אין בארא פארק, פארן דאווענען האט הרה"צ רבי אהרן מרדכי געלייגט תפילין פאר זעקס בר מצוה בחורים און נאכן דאווענען האט ער געדינט אלס סנדק ביי עטליכע בריתן. דערנאך איז דער גאנצער ציבור דורך שלום נעמען א לענגערע צייט.
אין די לעצט פארבליבענע שעות צו שבת ווערן געמאכט די לעצטע הכנות צום גרויסארטיגן שבת התאחדות בצילו פונעם אורח הגדול אין די זאלן פון די בעלזער תלמוד תורה אין בארא פארק.
תגובות