האד' מבאבוב-45 רעכט אפ יערליכע באזוך אין מחנה מכינה לישיבה באבוב-45

מאנטאג פ' ראה • כ''ד אב תשפ"ה | בחצרות הקודש

כ"ק אדמו"ר מבאבוב 45 שליט"א וועלכע וויילט די יעצטיגער זומער וואכן אין מחנה מתיבתא באבוב-45 אין פארקסוויל בקרב די תלמידי המחנה, האט דעם מיטוואך אפגעשטאט די יערליכער באזוך אין מחנה כיתה מכינה לישיבה באבוב 45 אין סט. פאולסבורג.

פארן דאווענען זענען די בחורים ארויסגעקומען מקבל פנים זיין דעם רבי'ן בשערי המחנה, און מען איז דורך שלום נעמען. די רבי שליט"א האט געדאווענט שחרית מיט די תלמידים און דערנאך אפגעראכטן א שולחן לחיים ביי וועלכן ער האט משמיע געוועהן דברות קודש באגלייט מיט הדרכות ישרות פאר די טייערע בחורים.

פון דארט איז דער רבי אריבערגעגאנגען צום שטוב פון בנו חביבו ויד ימינו הרה"צ ר' יחזקאל אונגאר שליט"א ר"מ בכיתה מכינה לישיבה, וואו עס איז פארגעקומען א מסיבת פת שחרית מיט די צוות המחנכים אין די מכינה לישיבה. דער רבי שליט"א האט משמיע געוועהן שיחות קודש און דברי הדרכה פאר די חשובע איינגעשטעלטע אין ישיבה און דאן מכבד געוועהן דער מחנך נפלא ההרה"ג ר' אברהם מרדכי מלאך שליט"א וועלכע דינט אלס מגיד שיעור אין די זומער קעמפ פון די מכינה לישיבה מיט ברכת המזון על הכוס.