האד' מוויזניץ בית שמש באזוכט בבתי האדמור"ים לקראת די שמחת החתונה פון א אייניקל | בילדער גאלעריע

מיטוואך פ' בשלח • י' שבט | בחצרות הקודש

אין בעפארברייטונג צו די מארגנדיגע חתונה פון א אייניקל ביי כ''ק האדמו''ר מוויזניץ בית שמש שליט''א האט דער רבי אין די טעג באזוכט בבתי האדמור"ים קרובי המשפחה איינצולאדענען צו די שמחה.

פארגאנגענעם מיטוואך האט דער רבי באזוכט אין בני ברק ביים פעטער כ"ק אדמו"ר מטשערנאביל שליט"א און ביי כ"ק אדמו"ר ממאכנובקא בעלזא שליט"א. אזוי אויך אין רחובות ביים מחותן כ"ק אדמו"ר מקרעטשניף שליט"א, און אין אשדוד ביים פעטער כ"ק אדמו"ר מטשארנאביל שליט"א. מוצאי שבת האט דער רבי באזוכט אין בית שמש ביי שאר בשרו כ''ק האדמו''ר מדזיקוב וויזניץ שליט''א און כ''ק האדמו''ר מקאליש שליט''א וואו דער רבי האט זיך אויך משתתף געווען ביים סעודת הילולא פון הרה"ק רבי איציקל קאלישער זי''ע.

היינטיגן דינסטאג האט דער רבי באזוכט אין ירושלים ביים פעטער כ''ק האדמו''ר מקרעטשניף ירושלים שליט''א.