הונדערטער ביים מסע הלוי' פון כ''ק האד' מטשחויב זצ''ל | ברייטע דעקונג

מוצ"ש פ' תזריע מצורע - י"א ניסן תשפ"ג | קול בחצרות

בילדער קרדיט שוקי לרר

הונדערטער אידם האבן דעם דאנערשטיג אפגעגעבן דעם כבוד האחרון ביי די לוי' פון כ''ק האדמו''ר מטשחויב זצ''ל בבית מדרשו אין די רמת שלמה געגענט, צום ערשט האט פארגעזאגט פרקי תהילים שאר בשרו כ"ק אדמו"ר מסטראפקוב שליט"א, דערנאך האבן מספיד געווען בקול נהי די חשובע זון בנו מ"מ הרה"צ ר' ישכר יואל קאנער אדמו"ר מטשחויב און בנו הרה"ג ר' יעקב מיכאל קאנער, דערנאך האט מען געהערט דברי הספד פון הרב צבי פוקס מנהל אין תלמוד תורה תורת אמת אין חיפה וואס האט ארויסגעברענגט די געוואלדיגע פעולות פונעם רבין זצ"ל אינעם תלמוד תורה רבות בשנים, צום שלוס האט מספיד געווען שאר בשרו הגה"צ רבי מתתי' דייטש גאב"ד רמת שלמה וואס האט אין נאמען פון די חסידים ומעריצים ומתפללי הבית מדרש אויפגענימען בנו הגדול הגה"צ רבי ישכר יואל שליט"א אלס ממלא מקומו באדמורו"ת שינאווא - טשחויב לתפארת האבות הק', ביים לויה האבן זיך אויך אנגעזעהן האדמורי"ם מקודינוב און שאץ ירושלים און הרב שמואל רבינוביץ רב הכותל, נאך די הספדים האט מען באגלייט די מיטה צום ריכטונג פונעם הר המנוחות ווי די רבי זצ"ל איז געקומען למנוחת עולמים.