קרישקעס | אינטערסאנטע מערקווירדיגע נייעס פון די וואך בחצרות הקודש איבער די וועלט

דאנערשטאג פ' ויצא • ז' כסלו תשפ"ו | בחצרות הקודש

בילד קרעדיט: יחיאל רייכמאן

א קבוצה סאטמארער חסידים זינגען אני מאמין ביים ציון פונעם הייליגן רמב"ם וואס האט כידוע פארפאסט די הייליגע תפילה פון די י"ג עיקרים.

מחזה הוד ביים מעמד הפרשת תרומות ומעשרות אין דערפל אור הגנוז ווען האדמו"ר מסאטמאר האט איבערגעגעבן פאר הגאון הגדול רבי אברהם יצחק אולמאן שליט"א חבר הביד"צ העדה החרדית א טשעק מיטן סכום אדיר פון א מיליאן דאלאר פאר א חלוקה מיוחדת לטובת מפעל קרן הצלה וואס וועט פארקומען בימי חנוכה הבעל"ט פאר די אריבער 170 מוסדות על טהרת הקודש בארה"ק וואס קרן הצלה האלט אונטער.

דער פאר הדור הגה"צ רבי יעקב מאיר שעכטער שליט"א באדאנקט זיך מיט זיין אייגנארטיגע מידת הפשטות, פארן מוזיקאנט ביים מעמד כבוד התורה אין די ברסלובער תלמוד תורה אין ירושלים די וואך. בילד קרעדיט: יחיאל רייכמאן

הגאון הגדול ר' משה הלל הירש ראש ישיבת סלאבאדקע אנטזאגט זיך פון זיצן אויף א רבישע שטול וואס איז געווען צוגעגרייט ביים מעמד קבלת פנים לכבודו אין לעיקוואד.

הגה"צ רבי סיני הלברשטאם גאב"ד צאנז שיכון ג' באזוכט ביי האדמו"ר מצאנז קלויזנבורג מיט די נייע באנד תשובות דברי חיים וואס ער האט ארויסגעגעבן לאור עולם.

האדמו"ר מבאבוב אין א ריקוד ביים חתונה די וואך אין בארא פארק בבית הנגיד החסיד ר' יוסף אריה בריננער הי"ו וועלכע איז נישט לאנג צוריק נתאלמן געווארן פון זיין אשת נעורים ל"ע.

הגאון רבי יעקב שפירא ראש ישיבת מרכז הרב אין ארץ ישראל אויף א באזוך די וואך ביי האדמו"ר מסקווירא.

דעם לעצטן דאנערשטאג נאכמיטאג איז אינסטאלירט געווארן א נייעם עליוועיטאר במעונו פון הגאון רבי ברוך דוב פוברסקי ראש ישיבת פונוביז נאך יארן וואס דער ראש הישיבה האט געדארפט ארויפגיין די שטיגן פון בנין, וואס איז געווען א טירחא רבא און האט אים אפט פארשווערט ארויסצוגיין פון שטוב. נאכן אריינשטעלן אן עליוועיטאר האט די ראש ישיבה געבעטן זיינע תלמיד, הגאון רבי יהודה אריה דינער מרבני העיר בני ברק דורכצופירן א הלכה'דיגע בירור ווי מען דארף קובע זיין די מזוזה, און דאן קובע געווען די מזוזה בשם ומלכות.

פייערדיגע ריקוד דורך די ברידער בני האדמו"ר מבאיאן, בנו הגדול הרה"צ ר' יוסף ברייאר שליט"א, הרה"צ ר' מרדכי שלמה ברייאר שליט"א רב דחסידי באיאן אמעריקא און הרה"צ ר' יצחק מאיר ברייאר שליט"א פון לאנדאן, ביים שמחת הבר מצוה דעם מוצאי שבת בבית אבד"ק באיאן ארה"ב.

הרה"ג ר' מנחם מענדיל פאמעראנץ שליט"א ריש מתיבתא עוז והדר בעל האכסניא פון האדמו"ר מסאטמאר אין מירון באזוכט בקודש פנימה נאכן געהויבענעם שבת, וואו די רבי האט זיך באדאנקט פארן אכסניא מיט אלע צוגעהערן.

האדמו"ר מסקווירא ביים פארלאזן די חתונה די וואך‎ אינעם גאלף קאר וואס איז נישט לאנג צוריק איינגערישט געווארן צו קענען האבן לייכטע צוטריט אריין און ארויס פון ביהמ"ד.

א גרופע בחורים פון די גערער ישיבות ביים זיך צו פארהערן אויף טויזנטער בלעטער גמרא אין ראם פון ׳מזומנים׳ ביי האדמו"ר מסאטמאר בעת דעם רבינס באזוך אין בני ברק די וואך.

האדמו"ר מפינסק קארלין לערנט בחברותא מיט נכדו חביבו הרב יוסף ראזנפעלד בעפאר א ברית במעונו פון הגה"צ רבי יעקב מאיר שעכטער שליט"א וואו דער רבי איז געווען סנדק.

המשפיע הרה"צ רבי נחמן בידערמאן שליט"א מלעלוב מיט זיין אייגנארטיגע עבודה פון שמחת חתן, ביים חתונה די וואך בבית הנגיד ר' יוסף אריה בריננער הי"ו אין בארא פארק.

הרב חיים מאיר רוקח נכד האדמו"ר מבעלזא טרעט אויף ביים סעודת שלישי למילה פון זיין ניי-געבוירן זון, פארגעקומען בבית מדרשו פונעם עלטער זיידן האדמו"ר ממעליץ אין אשדוד.

האדמו"ר רבי דוד אבוחצירא איז מספיד זיין מומע הרבנית תורגמן ע"ה, טאכטער פונעם באבא סאלי זצ"ל, ככלות השבעה לפטירתה.

דער איש החסד שי' גראוכער באזוכט במעונו פון המשפיע הגה"צ רבי אלימלך בידערמאן שליט"א די וואך.

הרה"ג ר' יחזקאל רובין שליט"א נכד האדמו"ר מסאטמאר באזוכט ביי זיין פעטער האדמו"ר מבעלזא.

ווארימהערציגע בריוו פון הרב מענדיל האגער בן האדמו"ר מוויזניץ מאנסי בריוו צו די מתפללים און באי ביהמ"ד הגדול וויזניץ בארא פארק שטייענדיג בײם סוף פון די י"א חודש, נאך די פטירה פון אמו הרבנית מוויזניץ מאנסי ע"ה, וואו ער האט במשך די גאנצע תקופה געדאוונט פארן עמוד דארט אין ביהמ"ד.

טויזנטער חסידי גור פארזאמלט יעצט ביינאכט אין ביהמ"ד הגדול גור אין ירושלים ביים חתונה הגדולה בחצר הקודש.

הרב שלום אלי' פעלבערבוים הי"ו מגדולי עסקני בית סקווירא ערהאלט שיריים פון רבו האדמו"ר מסקווירא בעת דעם רבינס באזוך די וואך ביים שוואגער האדמו"ר מוויזניץ אין די אכסניא אין שיכון סקווירא.

ר' שלמה שטיינמעץ הי"ו פון פיוואט ביים קאארדינירן די גרויסארטיגע סיום סדר מועד דורך אורייתא פארגעקומען אין אין די 'קיור ארענא' סטעדיום.

הרה״צ רבי ישראל מנחם אלתר יושב ראש מכון פאר מקדושים בן האדמו״ר מגור אינאיינעם מיטן שריפטשטעלער הרב טוביה פריינד בקודש פנימה ביי האדמו"ר מסאטמאר בעת די זמני כניסה די וואך אין בני ברק.

גאב"ד מאקאווא אויפן פליגער פון ניו יארק קיין טשענגער צום יארצייט פון זקינו הגה"ק בעל מנוחת אשר מטשענגער זי"ע זייענדיג עוסק בעבודת קדשו.

האדמו"ר מוויזניץ ביי א חופה די וואך לבן אחד מחסידיו אינעם הויף אין בני ברק, ביים זינגען דעם "וכולם מקבלים" ווי איינגעפירט.

האדמו"ר מתולדות אהרן ביי א מסיבת לחיים במעונו פון המקובל הגה"צ רבי גמליאל רבינוביץ שליט"א אין ירושלים נאכן דינען אלס מוהל ביי א ברית פון זיינס אן אייניקל.

האדמו"ר מסאטמאר קוקט זיך אום אויף די ווייט-באורד אין איינע פון די קלאסן אין תלמוד תורה סאטמאר בני ברק זיך אינטרעסירנדיג אין די לימודים פון די קינדער.

די שוואגערס האדמור"ים מסערט וויזניץ און קאסוב וויזניץ אין א שמועס ביים לוויה די וואך פון הגה"צ אבד"ק סערט וויזניץ ירושלים זצ"ל.

המשפיע הגה"צ רבי צבי מאיר זילבערבערג שליט"א באדאנקט דעם איש המעש הרה"ח ר' יעקב יוסף בערגער מחשובי חסידי סקווירא, פון די "טריפל בי פראדאקשאן" פירמע, וועלכער האט מיט זיינע געבענטשטע כשרונות אנגעפירט די מעמד 'כולנו שותפים' לטובת מוסדות נחלת יעקב.

האדמו"ר מראחוב מערקט "קרישקעס" ביים ציון פון כ"ק אדמו"ר מליובאוויטש זצ"ל אין קווינס זייענדיג צוגאסט אין ניו יארק לכבוד די חתונה פון א אייניקל.

האדמו"ר משומרי אמונים ווערט באמערקט ביי תפילת שחרית נעכטן מיטוואך אין קהילת אברכים אין ניו דזשערזי נאכן לאנדן אינעם דערנעבנדיגער נוארק לופטפעלד.

הרב שמעון וואלף קליין משב"ק האדמו"ר מבעלזא מערקט "קרישקעס" אויף די גאסן פון בארא פארק זייענדיג צוגאסט אין שטאט לכבוד די חתונה פון א אייניקל.

האדמו"ר מבית יצחק ספינקא באזוכט אין די ביי ענד סעיוו עפלייענס געשעפט אין וויליאמסבורג אונטער די אייגנטומערשאפט פון איינער פון די חסידים.

העסקן הרב מאטי בבציק מנאמני בית האדמו"ר מגור איז מקבל ברכת קדשו פון האדמו"ר ממאחנובקא בעלזא נאכן געהויבענעם שבת לנגידים ביים כותל המערבי.

אבד"ק לימינוב אויף א באזוך אין שטוב פונעם איש החסד העסקן ר' יעקב אליעזר שישא לרפואה שלימה אין ירושלים.

די טשערי פיקער מיט וואס די משוררים ביים גרויסן סאטמארער חנוכת הבית אין בני ברק האבן זיך באנוצט אנצוקומען צום הויכן מוזיק פלאטפארמע אינעם שאטער.

הרה"ג ר' יואל גלאנץ שליט"א מו"ץ בק"ק סאטמאר וויליאמסבורג, נכד האדמו"ר מסאטמאר אויף א באזוך בייי דודו האדמו"ר מסקווירא איינצולאדענען צום היסטארישן חתונה פון בתו הכלה די קומענדיגע וואך.

האדמו"ר מפינסק קארלין אין א ריקוד מיט די אייניקלעך און אור אייניקלעך ביים חתונה די וואך בחצר הקודש פינסק קארלין.

שיין בילד פונעם מעמד הפרשת תרומות ומעשרות די וואך אין דער אור הגנוז וויין פאבריק, וואו האדמו"ר מסאטמאר עפענט דעם ריזיגן קראן וועלכע איז געווען מחובר צו די פעסער וויין, און עס איז געגאסן געווארן א ריזן קוואנטום וויין פון תרומות ומעשרות, בעת ווען דער ציבור זינגט ניגוני שמחה מיט אן אויסטערלישן התרגשות.

יפה כח הבן: הגאון הגדול דומ"ץ קרית יואל שליט"א ערהאלט די נייע קונטרס משיחותיו פון המשפיע הגה"צ רבי יודל דייטש שליט"א וואס איז ערשינען לכבוד שבת תולדות מירון בראשות האדמו"ר מסאטמאר ביי א באזוך במעונו פון הגה"צ רבי מתיתיהו דייטש גאב"ד רמת שלמה, פאטער פונעם מחבר.

האדמו"ר ממיאלען ביים אנטוהן די שטריימל פארן הויז בחור החתן יצחק שמחה מאנדל הי"ו ערב שבת עלייה לתורה.

הגה"צ רבי משה בראנדסדארפער גאב"ד היכל הוראה באזוכט ביי האדמו"ר מסאטמאר בבית האכסניא אין מירון מקבל צו זיין ברכת קדשו לכבוד די חתונה פון בנו החתן.

שיין בילד פון האדמו"ר מבית יצחק ספינקא ביים מקבל פנים זיין מחותנו האדמו"ר מראחוב פון ארה"ק אינעם קענעדי לופטפעלד אנקומען צום חתונה בבית ספינקא - ראחוב.

די לוקסוריעזע בוטיק האטעל אין מירון מיט א באגריסונג פאר די חשובע אורחים וועלכע זענען געקומען מיטהאלטן דעם גרויסן שבת בצל האדמו"ר מסאטמאר אין מירון.

האדמו"ר מסאדיגורא לאנדאן ליינט אינעם היסטארישן ירושה ספר תורה פון הרה"ק מליאווע זצ"ל, זון פונעם הייליגן רוזשינער זי"ע וואס די רבי האט ארויסגענומען מבית גנזיו לכבוד ראש חודש.

הונדערטער חסידי סאטמאר ביים אנקומען קיין מירון פון אלע עקן וועלט מיטצוהאלטן דעם שבת מרומם בצל האדמו"ר מסאטמאר.

האדמו"ר מסלאנים ביים אנקומען אויף א תפילה צום כותל המערבי לכבוד דעם רבינס יום הבהיר וואס איז אויסגעפאלן די וואך.

א גרויסע שילד ארויסגעשטעלט לכבוד דעם גרויסן סאטמארער שבת אין אתרא קדישא מירון, פארשטעלענדיג די שטעלונג פון תורה טרייע אידן איבער די מדינה הטמאה, ציטירנדיג די פייערדיגע דיבורים פון האדמו"ר מסאטמאר ביים היסטארישן כינוס כללי אז מיר האבן נישט קיין חלק ונחלה אין די מדינה און זייערע מלחמות. די קלארע שארפע דיבורים איז איז געווען א גירא בעיני דשיטנא פון די ציוניסטישע פאליציי וואס האבן מיט גרויס כעס אראפגעריסן דעם שילד.

דער מייסטער אראנזשירער ר' יעקב חיים מיללער הי"ו ביים קאארדינירן דער גרויסער סאטמארער הדלקה אין מירון.

הרה"ג ר' שלום רוקח שליט"א נכד האדמו"ר מבעלזא ביים מנחם אבל זיין הרה"ח ר׳ יצחק בנציון פאסטן הי"ו מחשובי חסידי בעלזא אין לעיקוואוד נאך די טראגישע פטירה פון בנו הבחור אלחנן פאסטן ע"ה וואס איז ל"ע אומגעקומען אין שווערע עקסידענט אויפן גארדען סטעיט פארקוועי.

שטיינדיג אין די וואכן ארום די יארצייט פונעם הייליגן חזון איש, האט חשובער בני ברק'ער בן תורה ממשפת החזון איש, אריינגעברעגנט פאר האדמו"ר מלעלוב א היסטארישע תהילים מיט וואס דער חזון איש האט זיך באנוצט גאנצע 40 יאר טאג טעגליך, מערקט די סימנים פון טרערן און וואקס פון די ליכט.

האדמו"ר מסאדיגורא ירושלים איז מתפלל ביים כותל המערבי דעם דינסטאג נאכט אור ליום החופה פון בתו הכלה תחי' וואס איז פארגעקומען נעכטן מיטוואך.

האדמו"ר מסאטמאר באגריסט דער מעיאר פון בני ברק הרב חנוך זייבארט הי"ו ביים מעמד חנוכת הבית פונעם נייעם בית חינוך לבנות ד'סאטמאר אין בני ברק.

הגה"צ ראש ישיבת וויזניץ שליט"א איז מתפלל ביים ציון פון כ"ק אדמו"ר מקאסוב זצ"ל אויפן וויזניצער בית החיים אין מאנסי, לידו ווערט געזעהן הרה"ח ר' יוסף שמעון שעכטער הי"ו ממקורבי האדמו"ר מוויזניץ.

גאב"ד מאקאווא ווערט געזען איידער'ן אריינגיין צום בית החיים אין קווינס וואו עס ליגן די אדמו"רי ליובאוויטש, ווען אין הונטערגרונט לויפן די לעבעדיגע מראות הקודש מיט נאסטאלגישע מאמענטן פון ליבאוויטשער רבי זצוק"ל.

פריש אויפגעדעקטע בילד פון הגה"צ רבי יצחק מאיר מארגנשטערן האדמו"ר מתורת חכם אלס קינד אין לאנדאן ביים פיטערן הונגעריגע פייגלעך.

די בארימטע רענטעסטיק פארטי רענטאל ביים אויפשטעלן א שאטער פארנט פון שטוב פון הרבני הנגיד ר' אביגדור אסטרייכער הי"ו ראש הקהל ד'שיכון סקווירא, בעל האכסניא פון האדמו"ר מויזניץ וועלכע איז אנגעקומען קיין ניו יארק זיך צו באטייליגן ביים שמחת החתונה פון צוויי אייניקלעך.

הגה"צ אבד"ק לימינוב שליט"א ביי א פארברענג כהכנה לשבת מיט א קבוצה בחורים תלמידי ישיבת מיר אין ירושלים.(יחיאל רייכמאן)

הרבני הנגיד ר' בערי ווייס הי"ו פון ניו יארק מערקט "קרישקעס" בקודש פנימה פון האדמו"ר מבעלזא די וואך.

האדמו"ר מזידיטשוב פרעמיסלא ווערט געזען צוהעלפן ארויפלייגן די מציבה אויפ'ן פרישן קבר פון זיין רבעצין ע"ה וועלכע איז נפטר געווארן אין אירע בליענדע יארן נאכן נישט זיין געזונט א שטיק צייט.

גאב"ד סאטמאר מאנסי באזוכט די וואך ביי האדמו"ר מסקאליע איינצולאדענען דעם רבי'ן צום מעמד משולשת דעם מוצאי שבת העעל"ט בחצה"ק בית חיים יהושע.

האדמ"ר מסאטמאר אין א שמועס מיט האדמו"ר מזוטשקא ירושלים ביי א סיום הש"ס וואס איז אפגעראכטן געווארן אין נארט מיאמי דורך הנגיד ר' שלמה נאש הי"ו מקורב לאדמור"י בית זוטשקא.

האדמו"ר מקוזמיר איז זיך משתתף ביי די חתונה די וואך פונעם יונגסטן קינד ביים משמח אלוקים ואנשים הרה"ח המפורסם ר' זושא שמעלצער הי"ו אין ניו יארק.

מוסדות סאדיגורא מיט א באגריסונג לכבודו פון האדמו"ר מסאטמאר וכל הנלווים אליו די פילע געסט חסידי סאטמאר וואס זענען געקומען מיטהאלטן דעם רבינס באזוך אין בני ברק.

דער שבת פייף ביים זמן כניסת השבת אין קרית יואל שפילט ניגוני מירון, לכבוד דעם היסטארישן שבת תולדות וואס האדמו"ר מסאטמאר האט געפראוועט ביים ציון הרשב"י אינאיינעם מיט טויזנטער חסידים.

הגאון הגדול דומ"ץ קרית יואל שליט"א מערקט "קרישקעס" ביים ציון פון ידידו ורעו כ"ק גאב"ד קארלסבורג זצ"ל בעל עמק התשובה אין מירון.

האדמו"ר מסאטמאר ביי שלש סעודות די וואך במקום הנופש אין נארט מיאמי פלארידע, ווערט אויך געזעהן הגה''צ אבד"ק פאפא מאנסי.

האדמו"ר מראחוב ביים לערנען די פירוש המילות פונעם לשם ייחוד פארן תפילין לייגן פון נכדו הבחור הבר מצוה זוהן פון האדמו"ר ממעזיבוז.

הגה"צ אבד"ק סאטמאר מאנסי שליט"א באזוכט ביים פאר הדור הגה"צ רבי יעקב מאיר שעכטער שליט"א אין ירושלים.

פרישע בחורים וואס האבן בר מצוה געהאט אין די טעג וואס האדמו"ר מסאטמאר האט געוויילט אין נארט מיאמי, ווערן געזען דאווענען שחרית בבית מדרשו של רבי נאכדעם וואס דער רבי האט פאר זיי געלייגט תפילין.

הנגיד ר' מאיר משה יאקאבאוויטש הי"ו נדבן אולם עטרת גינענדיל אינעם בנין הבית אסתר ד'סאטמאר מאנסי ווערט געזען אליין טובל'ן כלים און געשיר אין בעפארברייטונג צו די ערשטע חתונה אינעם זאל, די וואך דינסטאג העעל"ט.

האדמו"ר ממאחנובקא בעלזא ווערט באמערקט זיך צוהערן צו די פערל רייד פון אבד"ק לימינוב כהכנה צום שבת מרומם מיט די נגידים ביים כותל המערבי.

דער באקאנטער משמח אלקים ואנשים, ר' זושא שמעלצער הי"ו, ווערט געזען אנגיסן לחיים פאר די פילע משתתפים ביי די חתונה פון זיין יונגסטע טאכטער, דעם זונטאג נאכט אין שיכון סקווירא.

דער נייער בנין הישיבה גדולה תורת א"ש דושינסקיא אין בארא פארק פראכטפול פארענדיגט מבית ומבחוץ על תילה בנוי', נאך א בליץ-שנעלע בוי ארבעט פון ווייניגער ווי פינף חדשים פונעם מעמד אבן הפינה אנפאנג חודש סיון העעל"ט.

וויכטיגע זיצונג צווישן די גדולי ראשי הישיבות בארה"ק בענינים העומדים על הפרק פארגעקומען במעונו פון הגאון ר' ברוך דוב פוברסקי ראש ישיבת פונוביז.

הגאון רבי משה הלל הירש שליט"א ראש ישיבת סלאבאדקא ביים הארעווען אין א קליינע מסכת שבת גמרא אויפן פליגער, קיין אמעריקע לטובת די ישיבה.

א ברכת מזל טוב פארן פאטאגראפירער בחצרות הקודש החתן צבי בלום הי"ו לרגל זיין שידוך שליסן בשעה טובה ומוצלחת. אינעם בילד: האדמו"ר מאמשינאוו בארא פארק ביים שמחת התנאים די וואך אין בארא פארק.

א ברכת מזל טוב פאר החתן דוד גאלדמינצער ני"ו פון די YF פראדאקשענס שטאב לכבוד זיין חתונה בשעה טובה ומוצלחת.