מעמד התפילה דורך קופת 'ועד הרבנים' לעניני צדקה ביים ציון השל"ה ביום המסוגל ערב ראש חודש סיון

מיטוואך פ' נשא א' • ד' סיון תשפ"ו | בחצרות הקודש

בילדער קרעדיט: דוד כהן

דעם דאנערשטאג ביום המסוגל ערב ראש חודש סיוון מוקדם איז פארגעקומען די יערליכע מעמד התפילה ביים ציון המצוינת פונעם של"ה הקדוש אין טבריה וואס ווערט אפגעהאלטן יאר יערליך דורכן קופת וועד הרבנים לעניני צדקה. צווישן די פילע גדולי ישראל וואס האבן מיטגעהאלטן די מעמד התפילה האבן זיך אנגעזעהן: האדמור"ים מסערט וויזניץ, ביאלא, מודזיץ, זוועהיל, המשפיע הרה"צ רבי אלימלך בידערמאן, הגאון רבי מרדכי גראס גאב"ד חניכי הישיבות, הגאון רבי חיים פיינשטיין ראש ישיבת עמלה של תורה, און נאך פילע רבנים און מקובלים פון אלע שיכטן און קרייזן.

אנהייב פונעם מעמד האט אויפגעטראטן מיט א דרשה דער מלהיב לבבות ישראל הרה"צ רבי אלימלך בידערמאן שליט"א. דערנאך האבן די גדולי ישראל אינאיינעם געזאגט די תפילת השל"ה אבות על בנים מיט גרויס התעוררות און מזכיר געווען די נעמען פון אלע תורמים פונעם וואוילטעטיגע קופת הצדקה וועד הרבנים, און דערנאך מתפלל געווען ביים ציון הק'.