מעמד כבוד התורה און התחלת ימי השובבי"ם אין ישיבה גדולה אוהל שמעון ערלוי אין שפיץ פון האד' מערלוי

מאנטאג פ' וארא • כ"ג טבת | בחצרות הקודש

בילדער קרעדיט: א. אייזנבאך

פארלאפענעם וואך האבן די בחורי חמד תלמידי ישיבה גדולה אוהל שמעון ערלוי מיטגעהאלטן א שיינעם מעמד כבוד התורה סיום מסכת בבא בתרא והתחלת ימי השובבי"ם לחזק ולהתחזק בלימוד התורה ועבודת השי"ת. די מעמד איז פארגעקומען בחצר הקודש ערלוי אין די קטמון געגענט אין ירושלים במעמד רבנן ותלמידיהון אין שפיץ פונעם נשיא הישיבה כ"ק אדמו"ר מערלוי שליט"א וועלכער האט מפאר געווען א לענגערע וויילע און משמיע געווען דברי ברכה פאר די תלמידי הישיבה. באזונדער איז געהערט געווארן דרשות נפלאים דורך די רבני הישיבה. מיטן דבר המעמד האט אויפגעטרעטן הרה"צ רבי שלום צבי סופר שליט"א בנו יחידו פון רבי'ן וועלכע איז אויך מכובד געווארן מיט ברכת המזון על הכוס. די מעמד האט זיך געשלאסן מיט א רקידה של שמחה און די בחורים האבן דאן ערהאלטן פרסים און תעודות יעדער לפי ערכו.