שיינעם באזוך פון האד' מסאטמאר ביי גיסו האד' מוויזניץ אין בני ברק

זונטאג פ' וישלח • י' כסלו תשפ"ו | בחצרות הקודש

בילדער קרעדיט: משה גאלדשטיין

דעם דינסטאג איבערן טאג איז כ"ק אדמו"ר מסאטמאר שליט"א ערשינען אויף ביקורי נימוסין בבתי האדמור"ים אינעם עיר התורה והחסידות בני ברק. צום ערשט איז די רבי שליט"א אנגעקומען אויף א באזוך ביים שוואגער כ"ק אדמו"ר מוויזניץ שליט"א, אנקומענדיג האבן די הונדערטער ילדי החמד פון די וויזניצער תלמוד תורה און די תלמידי הישיבה ישועות משה וויזניץ מקבל פנים געווען דעם אורח הדגול בשירה וזמרה. ביים באזוך אינעווייניג זענען געווען אנוועזנד די נכבדי העדה וזקני חסידי וויזניץ, נאך שאילת שלום, האט זיך אנטוויקלט א שיינער שמועס, ביי וועלכן די רבי'ס האבן געמושעסט זכרונות פון הרה"ק בעל ישועות משה מוויזניץ זצ"ל, און די יארן וואס דער סאטמארער רבי האט געוואוינט אין ארץ ישראל אויף קעסט ביים שווער.

אזוי האט דער שמועס זיך פארצויגן מיט דברי תורה וסיפורי צדיקים. דערנאך האט דער וויזניצער רבי מכבד געווען דעם רבי'ן מיט לחיים, מזונות און פירות. אויפן וועג ארויס נאכן באזוך האט די רבי שליט"א זיך אומגעקוקט אויפן שטח הבנייה פונעם מרכז העולמי ישועות משה וויזניץ אינאיינעם מיטן שוואגער די וויזניצער רבי.