ספר המלך: געהויבענער מעמד "סיום כתיבת האותיות" מוצאי שבת שירה אין סאדיגורא הויף

זונטאג פ' יתרו • י"א שבט תשפ"ה | בחצרות הקודש

בילדער קרעדיט: שוקי לרר

חסידי סאדיגורא זענען איינגעהילט אין א שמחה'דיגע שטימונג דערגרייכנדיג דעם לאנג ערווארטעטע טאג ווען עס וועט געפייערט ווערן די היסטארישע חגיגת הכנסת ספר תורה פונעם רבינס ספר תורה וואס עדת חסידי סאדיגורא האבן אינאיינעם געלאזט שרייבן לכבודו ולזכר נשמתו הטהורה פון כ"ק אדמו"ר מסאדיגורא זצוק"ל בעל 'עטרת ישראל' און וועט אריינגעגעבן ווערן צום ביהמ"ד הגדול סאדיגורא אין בני ברק.

נאך די מעמדי סיום כתיבת האותיות אין לויף פון די וואך אין די קהילות הקודש דחסידי סאדיגורא, און באזונדער פאר די יחידי סגולה נדיבי עם קודש, איז נעכטן במוצאי יום גילה פארגעקומען די צענטראלע מעמד סיום כתיבת האותיות ווען מ'האט געהאט די זכי' אז כ"ק אדמו"ר מסאדיגורא שליט"א שליט"א האט אריינגעשריבן די לעצטע אותיות אינעם ספר תורה, אינעם גרויסן סאלאש בחצר הקודש במעמד קהל ועדה, די הונדערטער חסידים וואס האבן געוויילט במחיצת הקודש אויף האי שבתא דריגלא שבת שירה.

די מעמד האט זיך אנגעפאנגען באלד נאך הבדלה, מיט ווארימע ניגונים כהכנה דרבה, דערנאך האט הגה"צ רבי פנחס שפירא אבד"ק סאדיגורא תל אביב חתנא דבי נשיאה אויפגעטרעטן מיט פאסיגע דיבורים און דאן האט די רבי שליט"א בדחילו ורחימו אריינגעשריבן די לעצטע אותיות 'לעיני כל ישראל' בשעת מען האט געזינגען ווארימע ניגונים בכלי שיר וזמר, נאכ'ן פארענדיגן שרייבן די אותיות הטהורות איז די רבי געגאנגען הגבהה, און מכבד געווען מיט גלילה הרבני הנגיד רבי יששכר קנאל הי"ו. מען האט זיך דערביי ארויסגעלאזט אין א דערהויבענע ריקוד לקול תרועת הזמר בעת דער רבי שליט"א איז מעודד די ריקודין בעוז ותעצומות.

דאן האט דער רבי געטרינקען לחיים און משמיע געווען דברות קודש כהכנה דרבה צום חגיגה רבתי ווען מען וועט מכניס זיין א ספר תורה לעילוי נשמתו פונעם רבי'ן זצ"ל וואס זיין גאנצע לעבן איז געווען א חטיבה אחת פון תורה. צום שלוס פונעם מעמד איז דער גאנצע ציבור דורך אל מול פני הקודש.