הגה"צ אבד"ק אמונת ישראל שליט"א באזוכט בהיכל קדשו פון הגה"צ רבי יעקב מאיר שעכטער שליט"א

זונטאג פ' שמות • ט"ו טבת | בחצרות הקודש

בילדער קרעדיט: יחיאל רייכמאן

הגה"צ אבד"ק אמונת ישראל שליט"א וואס איז צוגאסט די טעג אין ארה"ק לרגל די חנוכת הבית פונעם נייעם ביהמ"ד דקהל אמונת ישראל אין ביתר, איז היינט אינדערפרי אנגעקומען קיין עיר הקודש ירושלים, וואו דער רב שליט"א איז מכובד געווארן מיט סנדקאות ביי א ברית לבן אחד מחסידיו וואס איז פארגעקומען בביתו נאווה קודש פונעם פאר הדור הגה"צ רבי יעקב מאיר שעכטער שליט"א מנהיג חסידי ברסלב וועלכע האט געדינט אלס מוהל.

נאכן ברית איז דער רב שליט"א אריין בקודש פנימה אויף א באזוך צו הרה"צ רבי יעקב מאיר שליט"א וואו עס איז אנטשטאנען א הערליכע שמועס דברי תורה און נאך ענינים נשגבים. צום שלוס פונעם באזוך האט רבי יעקב מאיר מאציל געווען מברכותיו הטהורות פארן רב שליט"א צו קענען משפיע מהוד תורתו ותפארתו פאר די גאנצע עדה הקדושה צו לאנגע געזונטע יארן.