ק-ה זכות אבות: האד' מוויזניץ איז מתפלל ביים אהל הק' פון צדיקי בית וויזניץ לכבוד השמחה און לרגל די יארצייט פון אמו הרבנית ע"ה

מאנטאג פ' תצוה • ג' אדר תשפ"ה | בחצרות הקודש

בילדער קרעדיט: יהושע פרוכטר

פארלאפענעם מיטוואך פארנאכטס האט כ"ק אדמו"ר מוויזניץ שליט"א מתפלל געוועהן ביים אהל אדמור"י בית וויזניץ אין בני ברק, לכבוד די בעפארשטייענדע שמחה במעונו, די חתונה פון נכדו החתן חיים ראזנבוים ני"ו וואס קומט פאר די וואך, און לרגל די יארצייט פונעם אמא של מלכות הרבנית הצדקנית מרת לאה אסתר א"ה אשת חבר הרה"ק בעל ישועות משה מוויזניץ זי"ע וואס איז אויסגעפאלן בו ביום כ"ט שבט. 

דער רבי האט א לענגערע וויילע שופך שיח געוועהן ביי די ציונים הק' פון די שלשה רועים דער אהבת ישראל, דער אמרי חיים און דער ישועות משה זי"ע וואו דער רבי האט געלאדענט די אבות הק' צו די שמחה כנהוג, און מיט פאסיגע מיט דברי התעוררות מעורר געוועהן זכות אבות, ווי אויך האט דער רבי געזאגט דברי כיבושין פאר נכדו החתן און איהם געוואונטשן ברכת קדשו אויף דעם אדמת קודש.

נאכן זיך משטתח זיין אויף די ציונים הק' איז דער רבי ארויס פונעם אהל און צוגעגאנגען צום ציון פון די מוטער די רעבעצען ע"ה, וואו דער רבי האט מתפלל געוועהן א תפילה קצרה, און געזאגט קדיש.