האד' מפאלטישאן פארמישט אין בייזוויליגע קאר עקסידענט - ב"ה אומבאשעדיגט

מאנטאג פ' בשלח • ה' שבט תשפ"ה | בחצרות הקודש

גרויס נסים האט נעכטן פאסירט ווען כ"ק אדמו"ר מפאלטישאן שליט"א איז געווען פארמישט אין אן עקסידענט און איז ב"ה ארויס אומבאשעדיגט. דער רבי איז געווען אויפן וועג אהיים צוריק פון א משפחה שמחה אין קראנהייטס, ווען אינמיטן וועג האט א קעגן קומענדע קאר בייזוויליג אריינגעזעצט אינעם רבינ'ס אויטא און אפיגעיאגט פון די סצענע.

טראצדעם וואס דער רבי'ס אויטא איז שווער געשעדיגט געווארן, איז דער רבי שליט"א מיט די באגלייטער בחסדי שמים ארויס גענצליך אומבאשעדיגט און זענען אהיימגעפארן קיין בארא פארק מיט א צווייטע אויטא.

די פאליציי און שומרים פון קראנהייטס זענען באלד אלאמירט געווארן און האבן אנגעהויבן א ברייטע אויספארשונג איבער די מאטיוון פון דעם ווילדן פארשוין, וועלכע האט נישט איבערגעלאזט קיין שפירן נאך זיך.