זכר צדיק לברכה: פופציגסטער הילולא קדישא פון הרה"ק בעל פקודת אלעזר מפאלטישאן זי"ע
- לפני 23 שעות
- זמן קריאה 1 דקות
מיטוואך פ' מטות מסעי • כ''ג תמוז תשפ"ו | בחצרות הקודש
בילדער קרעדיט: אברומי בערגער,JDN
דעם מאנטאג כ''א תמוז האבן חסידים ואנשי מעשה אפגעתייכנט דעם פופציגסטן יומא דהילולא קדישא פונעם גרויסן צדיק ופועל ישועות הרה"ק בעל פקודת אלעזר מפאלטישאן זי"ע, וואס איז געפראוועט געווארן בצל נכדו ומ"מ כ"ק אדמו"ר מפאלטישאן שליט"א, כ"א תמוז, במקום שהתפלל בו אותו צדיק – בהיכל בית מדרשו אין בארא פארק.
מאנטאג נאכמיטאג, בעצם יומא דהילולא קדישא, זענען די באסעס ארויסגעפארן פון פאלטישאנער בית המדרש צום ציון הק' אין ניו דזשערזי, וואו מען האט מתפלל געווען מיט גרויס התעוררות אין שפיץ פון נכדו ומ"מ כ"ק אדמו"ר מפאלטישאן שליט"א, און אויסגעבעטן ישועות ורפואות וכל מילי דמיטב.
א גרויסער ציבור חסידים ואנשי מעשה, ובראשם אדמורי"ם ורבנים שליט"א, האבן אנטיילגענומען שפעטער פארנאכטס ביים גרויסארטיגן מעמד "רצון צדיק" לטובת החזקת בית המדרש והכולל, אינאיינעם מיט'ן צענטראלן סעודת הילולא קדישא, וואס איז אפגעראכטן געווארן בהיכל בית המדרש פאלטישאן.
ביים יארצייט טיש האט כ"ק אדמו"ר מפאלטישאן שליט"א משמיע געווען דברות קודש ודברי הדרכה במשנתו של זקנו, דער בעל ההילולא זי"ע.
