זונטאג פ' בשלח • י"א שבט תשפ"ד | בחצרות הקודש
בילד קרעדיט: שוקי לרר
מטעם בית כ''ק האד' ממונקאטש שליט''א איז היינט געמאלדן געווארן אז דער רבי שליט''א וועט דעם קומענדיגן דינסטאג אפרייזן אויף א איין טאגיגן בליץ באזוך צום עיר הבירה לאנדאן ווי דער רבי וועט באשיינען די חתונה פון החתן א זוהן פון המנוח הרה''ג רבי שמשון גליק זצ"ל דומ''ץ דק''ק מונקאטש אין לאנדאן, וואס קומט פאר דעם מיטוואך אין לאנדאן.
דער רבי שליט''א קומט צו פארן ספעציעל צום חתונה, אין וועט זיך אויפהאלטן אין לאנדאן א קארגע פיר אין צוואנציג שעה, מיטוואך צופרי וועט די רבי דאווענען שחרית בבית מדרשו אויף קעיזנאוו ראוד, נאכמיטאג וועט די רבי מסדר זיין חופה וקידושין ביי די חתונה אין שפעטער באנאכט צוריקקומען טאנצן מצוה טאנץ לפני הכלה, דאנערשטאג נאכמיטאג וועט זיך די רבי ארויסלאזן צוריק אהיים קיין ניו יארק.
Comments