מאנטאג פ' פקודי • א' אדר ב' תשפ"ד | בחצרות הקודש
אין שטאט מאנסי איז דעם פארלאפענעם וואך אפגעראכטן געווארן די יערליכע דיננער 'בלב ונפש' לטובת די מוסדות הקדושים דחסידי באבוב אין שטאט, די תלמוד תורה און בית חינוך לבנות. בראש המסובים האט באשיינט די מעמד דער נשיא המוסדות כ"ק האדמו"ר מבאבוב שליט"א וועלכע איז ארויסגעקומען קיין מאנסי לכבוד דעם חשובן מסיבה. אלס יושב ראש האט אויפגעטראטן האברך הרב אייזיק רייפער, און אלס נואם הכבוד האט אויפגעטראטן די נואם בחסד עליון הרה"ג ר' יעקב ווייס שליט"א מרבני קהילת סאטמאר אין מאנסי. נאך די דרשות האט כ"ק האדמו"ר מבאבוב שליט"א פארטיילט לחיים און איבערגעגעבן ברכת קדשו פאר די נדיבים בעם תומכי המוסדות וועלכע האבן זיך אנגערופן מיט גרעסערע סכומים.
