מאנטאג פ' בשלח • י"ב שבט תשפ"ד | בחצרות הקודש
אן אומבאשרייבליכע מחזה הוד האט זיף אפגעשפילט דעם ליל שישי אין ביהמ"ד הגדול סאטמאר אין וויליאמסבורג ווי העכער 1,000 בחורי ואברכי ק"ק סאטמאר האבן איבערגעפילט דעם היכל, און די זייטיגע שטיבלעך, ווי אויך דער נייער פראכטפולער היכל התורה אום 3:00 פארטאגס ביים בארימטן "לימוד ליל שישי - כולל אברהם יעקב".
דער כולל שישי "כולל אברהם יעקב" ווערט אנגערופן לשמו ולזכותו פון "נדיב ופטרון הכולל" בארימטן עסקן ונדיב לב, הרה"ח ר' אברהם יעקב פריעדמאן הי"ו מפארי נדיבי ועסקני ק"ק סאטמאר, לעילוי נשמת אביו דער אומפארגעסליכער איש החסד והמעש, הרה"ח ר' מרדכי ב"ר מנחם זאב הלוי ע"ה, וואָס מעשיו להחזקת התורה וועט אי"ה געדענקט ווערן לעד ולנצח.
