גרויסן ציבור תושבי בני ברק ביי וועכענטליכע הנהגת הבית שיעורים דורך האד' מסקולען ירושלים בימי השובבי"ם‎

זונטאג פ' וארא • י"ט טבת תשפ"ה | בחצרות הקודש

שטייענדיג בימי השובבי"ם ווען עס איז איינגעפירט בתפוצות ישראל צו לערנען די וויכטיגע הלכות טהרה, איז מיט פרייד אויפגענומען געווארן אינעם עיר התורה וחסידות בני ברק, אז כ"ק אדמו"ר מסקולען ירושלים שליט"א וועט דאס יאהר איבערגעבן די שיעורים בעניני הנהגת הבית אין גרויסן וויזניצער ביהמ"ד אין בני ברק.

שוין עטליכע יאהר וואס דער רבי טוט איבערגעבן די הנהגת הבית שיעורים בטוב טעם, פאריאהר האט דער רבי שליט"א איבערגעגעבן די שיעורים אין שטאט בית שמש וואו פילע הונדערטער תושבי העיר האבן מיטגעהאלטן די סעריע שיעורים לדעת את הדרך ילכו בה ואת המעשה אשר יעשון. דאס יאהר האט דער רבי אויסגעקליבן דער שטאט בני ברק וואו די שיעורים וועלן איבערגעגעבן ווערן יעדן מאנטאג פון די שובבי"ים וואכן - אנגעהויבן פון מאנטאג שמות העעל"ט - אין די זאלן בבנין ביהמ"ד הגדול אין קרית וויזניץ, זייענדיג א געלעגנהייט פאר ערליכע חסידישע אינגעלייט זיך אנצושעפן מיט דעם אוצר פון הוראות והדרכות, סיפורים וענינים, ארום די נושאים פון הנהגת הבית, שלום בית, און קדושת הבית.