ירושלים: הילולא קדישא פון הרה"ק רבי גדלי' משה מזוועהיל זי"ע אין זוועהילער הויף

דאנערשטאג פרשת חיי שרה • כ"ה חשון תשפ"ז | בחצרות הקודש

לרגל די יומא דהילולא פון הרה"ק רבי גדלי' משה מזוועהיל זי"ע, האט נכדו, כ"ק אדמו"ר מזוועהיל שליט"א, אפגעראכטן דעם צענטראלן יארצייט טיש אין ביהמ"ד הגדול זוועהיל אין ירושלים, אין שפיץ פון א גרויסן ציבור חסידים ואנשי מעשה וועלכע זענען זיך צונויפגעקומען מעלה צו זיין זכרו הטהור פון בעל ההילולא. נאך'ן טיש איז דער רבי שליט"א צוזאמען מיט'ן ציבור חסידים ארויף צום ציון הק' אויפן בית עלמין אין שיח' באדר, וואו מען האט געזאגט עטליכע פרקי תהילים און אויסגעגאסן דאס הארץ לישועת הכלל והפרט.