בֵּית צַדִּיקִים יַעֲמֹד • שמחת האירוסין פון החתן בן האד' מקרעטשניף ק"ג עב"ג הכלה נכדת האד' מקאמארנא בית שמש

מיטוואך פרשת טהרה • ב' אייר תשפ"ה | בחצרות הקודש

בילדער קרעדיט: ש.מ. - מענדי קורנט

דעם מוצאי שבת העעל"ט איז בשעה טובה געשלאסן געווארן די שידוך פון החתן בן כ"ק האדמו"ר מקרעטשניף קרית גת שליט"א, עב"ג די כלה א טאכטער פון הרה"צ ר' ישראל יצחק סאפרין שליט"א בן כ"ק האדמו"ר מקאמארנא בית שמש שליט"א וחתן כ"ק האדמו"ר מאשלג זצ"ל פון אבן עזרא. די שמחת הווארט איז פארגעקומען מוצש"ק אין שטוב פונעם מחותן אבי הכלה אין בית שמש.

אויפצומארגנס זונטאג נאך תפילת ערבית און ספירת העומר אין קרעטשניפער ביהמ"ד אין קרית גת זענען די חסידים דורך וואונטשן מזל טוב פארן בעל שמחה די רבי שליט"א ובנו החתן. שפעטער אין די וואך איז אפגעראכטן געווארן א באזונדערע מעמד לחיים במעונו פונעם זיידן כ"ק האדמו"ר מקאמארנא שליט"א אין בית שמש.