מצבה געשטעלט על קברה פון הרבנית הצדקנית מוויזניץ מאנסי ע"ה ככלות השלושים לפטירתה

מיטוואך פ' יתרו • י"ד שבט תשפ"ה | בחצרות הקודש

ככלות השלושים לפטירתה פון הרבנית הצדקנית מוויזניץ מאנסי ע"ה מחברתו הטהורה ועזרתו בקודש פון כ"ק אדמו"ר מוויזניץ מאנסי שליט"א איז היינט נאכמיטאג פארגעקומען די מעמד הקמת מצבה על קברה, אינעם אהל פון איר שוויגער הרבנית הצדקנית מוויזניץ ע"ה, אויפן וויזניצער בית החיים אין מאנסי.

ארום דריי אזייגער נאכמיטאג איז דער רבי שליט"א אנגעקומען אויפן בית החיים, אין באגלייטונג פונעם מנין מצומצם קינדער און משמשים בקודש, דער רבי שליט"א האט געליינט דער קורצע און באשיידענע נוסח המצבה וואו עס ווערט דערמאנט די גזע הייחוס פון די רעבעצען ע"ה, הרה"ק בעל ישמח משה זי"ע, הרה"ק בעל דברי חיים מצאנז זי"ע, צדיקי בית דעעש זי"ע ולמעלה בקודש.

מען האט געזאגט די מזמורי תהילים כנהוג, דער משמש בקודש הרב פייבוש סאמפאלינסקי הי"ו איז געוועהן שליח ציבור און האט פארגעזאגט קל מלא רחמים, און נאכן סדר אמירת תהילים האבן די קינדער הרבנים הגאונים הצדיקים שליט"א געזאגט קדיש.