דאנערשטאג פ' כי תבוא - י"ד אלול תשפ"ג | בחצרות הקודש
כ''ק האדמו''ר מלויצק שליט''א איז נעכטן מיטוואך אנגעקומען אויף א בליץ באזוך בעיר הבירה לאנדאן זייענדיג אונטערוועגנס קיין ניו יארק, ווי די רבי שליט''א האט דורכן טאג אויפגענימען די חסידים לעצה ולברכה צום נייעם יאהר אין שפעטער באנאכט משמיע געוועהן שיחות קודש פאר די חסידים כהכנה לקראת די הייליגע טעג.
היינט צופרי האט די רבי שליט''א ממשיך געוועהן מיט די נסיעה קיין אמעריקא וואו די רבי וועט זיך אויפהאלטן די קומענדיגער וואך בקרב חסידיו. דעם שבת פ' כי תבוא וועט די רבי שליט''א פראווען בעיר התורה לעקוואד, אין די זאלן פון בית פייגא, אין היינט אויפדערנאכט וועט די רבי אויפטערטן מיט א שמועס כהכנה לשבת קודש אינעם ביהמ''ד דקהל 'בית מרדכי' אין שטאט.
נאך שבת וועט זיין זמני כניסה פאר די חסידים אין ניו יארק אריינצוגיין לברך ולהתברך, אין מאנטאג וועט די רבי אפפליען קיין שיקאגא אויף א צוויי טאג'יגער באזוך אויפצונעמען די ארטיגע חסידים לקראת די ימי הרחמים והרצון.
댓글