דינסטאג פ' וזאת הברכה • י"א תשרי תשפ"ד | בחצרות הקודש
א געהויבענעם מעמד קביעת מזוזה וחנוכת הבית איז אפגעראכטן געווארן אינערהאלב דעם נייעם בנין פון 'בית ביחד' שע"י מוסד הק' בית לפליטות, דער בנין וועלכע איז נאך א פליגל אין די ברייט פארצווייגטע פעולות פון מוסד הק' 'בית לפליטות', דער 'ביחד ארגאניזאציע' איז אויפגעשטעלט געווארן ווייניגער ווי א יאר צוריק, מיט א הייליגע מטרה, מחזק צו זיין נשמה'לעך פון שטובער וועלכע זענען ליידער צופאלן רח"ל.
דער מעמד קביעת מזוזה וחנוכת הבית איז געפייערט געווארן אינעם נייעם בנין בראשות גדולי ישראל שליט"א וועלכע האבן געהאט גרויס הנאה זיך צו באקענען פון דערנאנט מיט די הייליגע פעולות, און אויכעט טרעפן פרעזענליך די קינדער'לעך און בחורים, און אריינבלאזן אין זיי א רוח חיים, אזוי אויך האבן די גדולי ישראל שליט"א אויסגענוצט דעם געלעגנהייט זיך צו באדאנקען פאר די געטרייע הנהלה וועלכע לייגט אריין גרויסע כוחות יומם ולילה פאר די הצלחה פון די קינדער.
Comments