מחר יהיה האות הזה: התרגשות של שמחה אין מאשאלוער הויף צום שמחת נישואין בבית האד' ממאשאלו

דינסטאג פ' נח • כ"ט תשרי תשפ"ו | בחצרות הקודש

מיט התרגשות של שמחה רישן זיך תלמידי וחסידי מאשאלו צו די געהויבענע ימי שמחה בחצר הקודש וואס וועט געפראוועט ווערן ברוב פאר והדר אויף א מלכות'דיגע פארנעם, מארגן מיטוואך נח אויפדערנאכט, אין די זאלן פון עטרת גאלדא אינעם שטאט בארא פארק.

בשעה טובה ומוצלחת וועט גיין אונטער די חופה הכלה תחי', טאכטער פון כ"ק אדמו"ר ממאשאלו שליט"א איידעם ביי כ"ק אדמו"ר מקאלוב שליט"א, מיט החתן הרב מנחם ישראל שליט"א בן הגה"צ רבי ישכר בער מייזליש שליט"א מנהל בישיבת לעלוב, בן הגה"צ אבד"ק אוהעל מאנסי שליט"א וחתן כ"ק אדמו"ר מקאסאן הילקרעסט שליט"א.

די מעמד קבלת פנים וועט זיך אנהייבן בשעה 5:30, און די חופה בשעה 6:30 מבעוד יום, נאכגעפאלגט מיט די סעודת החתונה ברוב פאר והדר. במיוחד ווערט ערווארטעט דאס השתתפות פון דער גרויסער זיידע, כ"ק אדמו"ר מקאלוב שליט"א לרפו"ש, וועלכע וועט אי"ה אריינקומען קיין בארא פארק און באשיינען די געהויבענער שמחה.

בשעה 11:00 וועט פארקומען די געהויבענעם מעמד המצוה טאנץ וואס וועט געוויס זיין דער קלימאקס פון די שמחה הרוממה.

באזונדער גרייט מען זיך צו די דערהויבענע שבת של שמחה, די שבת שבע ברכות, וואס וועט פארקומען אינעם מאשאלוער הויף אין שטאט בארא פארק, וואו עס וועט ווערן אפגעראכטן די דערהויבענע תפילות און די סעודות, דערנאך די ליכטיגע טישן באגלייט מיט די שבע ברכות.

עס ווערט צוגעשטעלט אש"ל מלא, פאר די פולע געסט וואס זענען ערווארטעט צו קומען מיטהאלטן דעם ליכטיגן שבת בצל הקודש.

ובכן צדיקים יראו וישמחו וישרים יעלזו וחסידים ברינה יגילו