הגה"צ אבד"ק סאטמאר וויליאמסבורג שליט"א ביי הדלקת נר חנוכה בהיכל ישיבה קטנה שביל התורה בנשיאתו
- Bechatzros admin
- לפני 29 דקות
- זמן קריאה 1 דקות
מאנטאג פ' ויגש • ב' טבת -זאת חנוכה תשפ"ו | בחצרות הקודש
כמידי שנה בשנה האט הגה"צ אבד"ק סאטמאר וויליאמסבורג שליט"א בנו בכורו פון כ"ק אדמו"ר מסאטמאר שליט"א געפראוועט א מעמד הדלקת נרות חנוכה אין ישיבת "שביל התורה" אין קרית יואל וואס שטייט בנשיאותו, דער רב שליט"א האט געצינדן די נרות אינאיינעם מיט די תלמידי הישיבה, ווי א קאפעליע בחורי חמד האבן מהנה געווען מיט זמירות שירות ותשבחות. נאכן הדלקה האט דער רב שליט"א משמיע געווען דברי פלפול ואגדה בענייני דיומא.
שפעטער איז דער רב ערשינען אין היכל המתיבתא אין קרית יואל ווי די הונדערטער בחורי חמד האבן מיטגעלעבט א געהויבענעם מסיבה לכבוד יומין דחנוכה במחיצתו פונעם רב שליט"א, וועלכער האט פאר א לענגערע וויילע פארברענגט מיט די בחורים מיט שיינע ניגונים לכבוד יום טוב, און מאריך געווען בדברי תורה לכבוד החג, בתוך הדברים האט דער רב ארומגערעט בדברים העומדים על הפרק, זייענדיג מרחיב איבערן נושא וואס אביו הגדול כ"ק אדמו"ר מסאטמאר שליט"א האט ארויפגעברענגט פארלאפענעם כ"א כסליו איבער די דרך פון ברסלב.
דערנאך האט דער רב ווידער משמיע געווען דברי תורה ארומרעדנדיג בדרך הפלפול אינעם סוגיא פון כבתה, צאמווארפנדיג סוגיות פון ראשונים ואחרונים מיט א בקיאות וחריפות נפלאה כדרך אבותיו.
