וּבְכֵן צַדִּיקִים: שמחת החתונה אין הויפן פון לעלוב - דזיקוב וויזניץ - לעלוב - פאפא ירושלים

דאנערשטאג פ' ראה • ד' אלול תשפ"ה | בחצרות הקודש

אין בני ברק איז די וואך פארגעקומען די שיינע רבישע שמחה בחצרות דזיקוב וויזניץ - לעלוב - פאפא ירושלים, ווען עס איז בשעה טובה געגאנגען אונטער די חופה די חתן א אייניקל פון כ"ק אדמו"ר מלעלוב שליט"א פון בני ברק, א זון פון בנו הגדול הרה"צ ר' מיכאל ישראל בידערמאן שליט"א איידעם ביי כ"ק אדמו"ר מדזיקוב וויזניץ שליט"א מיט די כלה א טאכטער פון הרה"ג ר' שלום סופר ראש כולל לעלוב זון פון הגה"צ אבד"ק פאפא ירושלים שליט"א און איידעם ביי כ"ק אדמו"ר רבי אלתר מלעלוב זצ"ל.

די שמחה האט ערוועקט זכות ישנים ווען די צוויי ברודער הרה"ק רבי שמעון נתן נטע און הרה"ק ר' אלתר אלעזר מנחם מלעלוב זי"ע, קינדער פון הרה"ק רבי משה מרדכי מלעלוב זי"ע, זענען געוועהן זיידע'ס פון חתן וכלה.

ביים חופה איז מכובד געווארן מיט סידור קידושין די זיידע הגה"צ אב"ד פאפא ירושלים שליט"א, קריאת הכתובה הגה"צ רבי חיים יוסף בידערמאן אבד"ק לעלוב, ברכות ראשונות די זיידע כ"ק אדמו"ר מדזיקוב וויזניץ שליט"א, ברכה אחריתא די זיידע כ"ק אדמו"ר מלעלוב שליט"א.

ביים חתונה האבן זיך אנגעזעהן פילע אדמורי"ם ורבנים וקרובי המשפחה, צווישן זיי די פעטער כ"ק אדמו"ר מלעלוב שליט"א, האדמורי"ם מקארלין סטאלין, מאחנובקא בעלזא, ביאלא, פיטסבורג, זוטשקא, שאץ וויזניץ, אנטניא, לעלוב בראנוביץ, ספינקא גני גד, די פעטער'ס המשפיע הרה"צ רבי אלימלך בידערמאן מלעלוב, אב"ד מאור חיים ירושלים, אב"ד מאור חיים צפת און נאך.