נֵזֶר עַל רֹאשׁוֹ: התמנות פון הרה"ג ר' שמואל זלמן שפיטץ שליט"א חדב"ן האד' מדושינסקיא אלס מו"ץ העדה החרדית
- Bechatzros admin
- 1 ביולי
- זמן קריאה 1 דקות
דינסטאג פ' חוקת • ה' תמוז תשפ"ה | בחצרות הקודש
ביי חסידי דושינסקיא איז היינט באקאנט געווארן די בשורה מרנינה, איבער די פאסיגע התמנות פון הרה"ג ר' שמואל זלמן שפיטץ שליט"א חתנו הגדול פון כ"ק אדמו"ר מדושינסקיא שליט"א, וועלכע איז אויפגענומען געווארן דורך די שרי התורה חברי הבד"ץ העדה החרדית, צו דינען אלס מורה צדק, להורות את דבר ה' זו הלכה פאר די בני העדה החרדית.
דער דיין שליט"א איז א זון פון הגאון המפורסם רבי יהושע חיים ארי' שפיטץ שליט"א ראש ישיבת ווילרייק אין אנטווערפען, און אן אייניקל פון הגאון הגדול רבי חיים יוסף דוד ווייס שליט"א דומ"ץ סאטמאר אנטווערפען בעל ויען דוד.
דער דיין איז נישט קיין פנים חדשות בעולם ההוראה, דינענדיג אלס ראש הכולל להוראה דחסידי דושינסקיא וואו ער איז געשעצט ביי אלע חברי הכולל און ביי די פילע שואלים בדבר ה' זו הלכה וואס דער דיין שליט"א איז שוין פאר לאנגע יארן איינע פון די הויפט אדרעסן אין די קהילה.
מיטן המתנות פונעם נייעם דיין איז מקויים געווארן דעם 'תורה מחזרת לאכסניא שלה', נאכדעם וואס זיינע גרויסע עלטערן און זיידעס דינען אלע אלס עמודי ההוראה, והעולה על כולנה זיינע זיידעס לבית דושינסקיא למעלה בקודש וועלכע האבן משמש געוועהן ברבנות אין די עדה החרדית.
אצינד וועלן די בני העדה החרדית זוכה זיין צו געניסן פונעם נייעם דיין להורות להם את הדרך ילכו בה, צו די זייט פון נאך צענדליגע דיינים ומורי הוראה פון די עדה החרדית.
תגובות