האד' מגור אויף א תפילה ביים כותל המערבי ביומא דהילולא פון אביו בעל 'לב שמחה' מגור

מונטאג פ' חקת בלק - ז' תמוז תשפ"ג | קול בחצרות

היינט אין די פארמיטאג שעהן איז כ''ק האדמו''ר מגור שליט''א אנגעקומען אויף א תפילה ביים שריד בית מקדשינו דער כותל המערבי, פון דארט איז די רבי אנגעקומען צום הר הזיתים אין פוקד געוועהן דעם ציון הק' פון אביו הרה''ק בעל 'לב שמחה' מגור זצ''ל לרגל די יארצייט וואס געפאלט היינט ז' תמוז.

נעכטן אויפדערנאכט האט זיך די רבי שליט''א געוואשן צו א באשיידענעם סעודת הילולא בביתו נאווה קודש אינאיינעם מיט די בני משפחת המלוכה, אין היינט נאכמיטאג קומט פאר די צענטראלע סעודת הילולא אין גרויסן גערער ביהמ''ד אין ירושלים אין שפיץ פונעם רבינ'ס קינדער הרבנים הגאונים הצדיקים שליט''א. אין בארא פארק קומט היינט פאר א גרויסארטיגע סעודת הילולא אין די זאלן פון עטרת גאלדא, אין שפיץ פון הרה"צ ר' שמעון רוטשטיין שליט"א חדב"ן פון כ"ק אדמו"ר מגור שליט"א.