וגילו צדיקים: גרויסארטיגער חתונה אין הויפן פון לעלוב און סטאניסלאוו געפראוועט אין שטאט ביתר

מאנטאג פ' מקץ • כ''ה כסלו - א' ד'חנוכה תשפ"ו | בחצרות הקודש

בילדער קרעדיט: א. אייזנבאך

חסידים ואנשי מעשה האבן זיך פאריגן מאנטאג נאכט מיטגעפריידט ביי די שמחת הנישואין בבית לעלוב - סטאניסלאוו, ווען עס איז געגאנגען אונטער די חופה די חתן א אייניקל פון כ"ק אדמו"ר מלעלוב שליט"א, א זון פון זיין זון הרה"צ רבי ברוך בידערמאן שליט"א מיט די כלה א טאכטער פון כ"ק אדמו"ר מסטאניסלאוו שליט"א פון ביתר, די חתונה איז פארגעקומען אין שטאט ביתר ברוב שמחה וחדוה מיט די השתתפות פון פילצאליגע חסידים ומעריצים.

ביים מעמד החופה איז מכובד געווארן מיט סידור קידושין דער מרא דאתרא הגה"צ רבי חיים ווייס גאב"ד ביתר, קריאת הכתובה די פעטער פון כלה כ"ק אדמו"ר מנדבורנא אראד, מיט די ברכות זענען נתכבד געווארן די זיידע פון חתן הרב עקיבא טאגער, די פעטערס כ"ק אדמו"ר מלינסק שליט"א און הרה"צ רבי יעקב אלי' האראנטשיק אדמו"ר מלעלוב הר יונה, הגה"צ רבי שמעון שמואל הלברשטאם אבד"ק דברי משה, און ברכה אחריתא די זיידע כ"ק אדמו"ר מלעלוב שליט"א.

ביים חתונה האבן זיך באטייליגט מערערע אדמורי"ם ורבנים, צווישן זיי, האדמורי"ם מלעלוב, זוועהיל, נדבורנא ביתר, שומרי אמונים אשדוד, באסטאן ביתר, ווערדאן פון ירושלים, ראפשיץ, די רבני העיר ביתר הגה"צ רבי ישראל ברזובסקי אב"ד סלונים, הגאון רבי אברהם שרגא שטיגליץ דומ"ץ צאנז, הגאון רבי שלמה איצקוביץ דומ"ץ וויזניץ, הגאון רבי מנחם קוריץ דומ"ץ פינסק קארלין, און אזוי אויך הרה"צ המשפיע רבי נחמן בידערמאן מלעלוב, הגה"צ רבי אלעזר שטערן גאב"ד מירון און נאך.

כחצות הלילה האט מען אנגעפאנגען די געהויבענע מעמד המצוה טאנץ. צום ערשט האט בדחנא דמלכא ר' דוד שובאקס הי"ו אויפגערופן דער גרויסער זיידע כ"ק אדמו"ר מלעלוב שליט"א וועלכע האט אפגעראכטן די עבודת הקודש לפני הכלה באש להבה. דערנאך האט ער אויפגערופן די אנדערע זיידעס און מחותנים, און צום שלוס האבן די אייניקלעך פונעם מחותן די סטאניסלאווער רבי שליט"א געזונגען ספעציעלע גראמען לכבוד די שמחה און מען האט אויפגערופן דעם רבי'ן, וועלכע איז געטאנצן לפני בתו הכלה ברוב שמחה וחדווה.