ענבי הגפן: שיינער שידוך בבית סקאליע - פשעווארסק וומסב"ג - בריגל

מיטוואך פ' חי שרה • כ''א חשון תשפ"ו | בחצרות הקודש

בשמחה וחדוה איז דעם דינסטאג נאכט פארגעקומען די שמחת הלחיים לרגל די שידוך שליסן פון הכלה תחי' בת יחידה ביי הגה"צ ר' איציקל רייך שליט"א אבד"ק פשעווארסק וומסב"ג, איידעם ביי כ"ק אדמו"ר מסקאליע שליט"א, מיט החתן הרב משה טייטלבוים שליט"א בן הגה"צ ר' יהושע העשיל טייטלבוים שליט"א מבריגל זוהן פון הרה"צ ר' חיים אלישע טייטלבוים זצ"ל מבריגל און איידעם ביי הגה"צ ר' מאיר יצחק שמילאוויטש שליט"א אב"ד רחובות הנהר.

די מסיבת לחיים איז אפגעראכטן געווארן אין שטוב פונעם זיידן דער סקאליע רבי שליט"א אין בארא פארק, ווי עס האבן זיך מיטגעפריידט די קרובי המשפחה הרבנים הגאונים הצדיקים שליט"א פון ביידע צדדים. כנהוג אין חצר הקודש פשעווארסק האט מען געבראכן טעללער און דער זיידע דער סקאליע רבי שליט"א האט אויפגעטראטן מיט דברות קודש.