שמחת הברית פון נכד כ"ק אדמו"ר מבאבוב-45 שליט"א פארגעקומען אין קעמפ

מיטוואך פ' ראה • כ''ו אב תשפ"ה | בחצרות הקודש

אין מחנה מתיבתא באבוב 45 אין פארקסוויל איז פאריגע וואך פארגעקומען די שמחת הברית מילה פון א איר אייניקל ביי כ"'ק אדמו"ר מבאבוב 45 שליט"א, אייניקל ביי חתנו הרה"צ ר' שמחה רובין שליט"א בן הנולד ביי בנו הרב יחזקאל רובין, איידעם פון הרה"ג ר' שלום הלברשטאם שליט"א איר אייניקלעך פון הרבנים מציעשנוב, סטריזוב, און נאסויד.

דער רבי שליט"א איז מכובד געווארן מיט סנדקאות, מיט ברכות איז מכובד געווארן די זיידע הגה"צ אבד"ק נאסויד שליט"א, קריאת השם די זיידע הגה"צ אבד"ק ציעשנוב שליט"א, עמידה לברכות די פעטער הגה"צ אבד"ק באבוב 45 שליט"א.

נאכן דאווענען האט זיך דער רבי שליט"א געוואשן צום סעודת ברית וואו עס האבן מיטגעהאלטן די תלמידי המתיבתא. דורכאויס די סעודת מצוה האט דער רבי משמיע געוועהן דברות קודש מעניני ברית מילה און דאן מכבד געוועהן די זיידע די ציעשנובער רב אויפצוטרעטן מיט א דרשה לכבוד די שמחה.