האד' מנדבורנא אויף א נסיעה צו די מקומות הקדושים אין אייראפע לרגל די ימי הרחמים והרצון
- sfbechatzros
- לפני 9 שעות
- זמן קריאה 1 דקות
עודכן: לפני שעתיים
מיטוואך פ' כי תצא • י' אלול תשפ"ה | בחצרות הקודש
בילדער קרעדיט: JDN
דעם פארלאפענעם וואך איז כ"ק אדמו"ר מנדבורנא שליט"א ארויסגעפארן אויף א קורצע מסע הקודש קיין אייראפע, כמידי שנה בשנה, צו מתפלל זיין ביי די קברי צדיקים שטייענדיג אינעם חודש הרחמים והסליחות.
דורכאויס די וואך האט די רבי מתפלל געוועהן ביי די ציונים הק' פונעם זיידן הרה"ק רבי מרדכי'לע מנדבורנא זי"ע אין בישטינא, ביים ציון פון זקינו הרה"ק רבי בערצי מנדבורנא זי"ע, זקינו הרה"ק רבי צבי הירש מנדבורנא זי"ע און נאך.
אויף שבת האט דער רבי שליט"א געוויילט באתרא קדישא ליזענסק כמנהגו יעדעס יאהר צו פראווענען א שבת ביים הייליגן ר"ר אלימלך מליזענסק זי"ע בפרוס ימי הרחמים והרצון. בעת רעווא דרעווין ביי שלש סעודות האט דער רבי שליט"א משמיע געוועהן דברי התעוררות פאר א קבוצה בחורים תלמידי ישיבת "קדושת ציון" אין קרית באבוב וועלכע האבן געוויילט אויף א שבת התאחדות אין ליזענסק אינאיינעם מיט הגה"צ אב"ד קרית באבוב שליט"א.
נאך שבת אויפן וועג צום לופטפעלד איז דער רבי שליט"א דורכגעפארן לעלוב און פוקד געוועהן דעם ציון המצוינת פון הרה"ק רבי דוד מלעלוב זי"ע.
