"ליבי ליבי על חלליהם": האד' מסאטמאר ביים מעמד הבאגלייטן לאור שוידערליכע מאורעות אין ארץ הקודש

מאנטאג פ' בראשית • כ"ד תשרי תשפ"ד | בחצרות הקודש

נעכטן מוצאי יו''ט ביי די מעמד הבאגלייטן בחצר הקודש סאטמאר ברחובה של עיר וויליאמסבורג האט כ''ק האדמו''ר מסאטמאר שליט''א משמיע געוועהן דברים חוצבים אין ליכט פון די שווערע מצב - דער עת צרה היא ליעקב, ''אחינו בני ישראל הנתונים בצרה ובשביה, עס איז א געוואלדיגע ווייטאג פון די שמועות מבהילות וואס קומען ארויס'', די רבי האט נאכגעזאגט פונעם פעטער הרה"ק מסאטמאר זי"ע אויף די פסוק לבי לבי עַל חַלִלֵיהֶם, מֵעַי מֵעַי עַל חֲלָלֵיהֶם, כי אתה ה' באש הצתה ובאש אתה עתיד לבנותה, אז עס דארף וויי טוהן יעדער אידיש נפש, די רבי האט ארויסגעברענגט וויפל טרערן דער פעטער זי"ע האט פארגאסן אויף יעדער אידיש נפש וואס איז ניזק געווארן אין די אלע מלחמות, און מען דארף דאווענען אז אלע אידן זאלן אפגעהיטן ווערן בגשמיות און א עקסטערע שמירה ברוחניות, און מסיים געווען בברכת קדשו מזאל זוכה זיין די יאהר עס זאל מקויים ווערן דעם 'באש אתה עתיד לבנותה' בביאת גואל צדק.